1 Samuel 30:23 - Biblia Dc en Mixe de Quetzaltepec

²³ E ja David tyaa ja y'ëtsooy: Këtii jëtu'unpë ja jot winma'any xypyaatë jëëkyëty mëku'ukëty. Ëëtsajtëm ma winë të npat të n'ijxëmën ets ko ja tsip të ntuknajxëmë, Dios jëtu'un mëj këjää të xypya'ëyo'owëmë. Paaty ja njuukyajtën'ajtëm ka'ap wi'ix të jyäty të kyëpety ets tääpë ja mä'tspëtëjk ëxëëk të ntu'unëmë mëti'ipë ënety ëxëëk näjyëtu'un të xytyu'unëmën.

Biblia Mixe de Quetzaltepec

²³ E ja David tyaa ja y'ëtsooy: Këtii jëtu'unpë ja jot winma'any xypyaatë jëëkyëty mëku'ukëty. Ëëtsajtëm ma winë të npat të n'ijxëmën ets ko ja tsip të ntuknajxëmë, Tios jëtu'un mëj këjää të xypya'ëyo'owëmë. Paaty ja njuukyajtën'ajtëm ka'ap wi'ix të jyäty të kyëpety ets tääpë ja mä'tspëtëjk ëxëëk të ntu'unëmë mëti'ipë ënäty ëxëëk näjyëtu'un të xytyu'unëmën.

1 Samuel 30:23 ပူးပေါင်းရင်းမြစ်များ

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Hechos 22:1

Miits, mëku'uktëjkëty, mëtowtë ja aaw ayuk wi'ixës tyam nnäkyukajpxa'anyën.

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënety nyijkx tsënääpyë ma ja it txëëwatyën Harán, ko ja Dios mëjpë jaantypë ojts nyänyikëxë'ëkyë ma yë'ëjën.

1 Samuel 2:7

Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

Jueces 19:23

E ja kutëjk mëktä'äky ojts myënu'kxta'akëtë ets y'ënëmaayëtë: Mëku'ukëty, tuntë mëyajtën, këtii jëtu'unpë ëxëëk winma'any xypyaatë, yë'ë ntëjk'ëye'epyës yë'ë, këtii xytyuntë ka'apë tyuunpëtyën.

Deuteronomio 8:10

Ko ënety jam myajpatnëtë ets ku'uxyë mkaaynyë m'uknëtë, mkukajpx mja'awëkyëta'aktëp yë Wintsën. Mëët ko ënety oypyë ja naax kam të mo'ojëtë.

Génesis 19:7

tä t'ënëmaay: Mëku'ukëty tuntë mëyajtën këtii jëtu'un yë ëxëëk winma'any xypyaatë ets tëkatsy winë xytyuntëty.

Habacuc 1:16

Paaty yë ja'ay mëti'ipë nëë jëyujk majtspën jëtu'un yaj'ixy y'ëwtajtyp yowë tsyääy ets xyu'uny ets tyimwintoopy tyimwinno'kpy mëët yë poom ets yäjkpy yë nyiwintsë'kën, jä'ä ko jam jyi'kxypyääty.

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

1 Samuel 30:22

E mëti'ipë ënety ka'ap y'oyëtyën ja jyot wyinma'any, tä y'ënantë: mëti'ipë ka'ap të y'otstën tsiptuunpë ka'ap tii nyitëkëty yajmo'otëty mëti'ipë të nitsiptu'unëmën. Yi'iyë mëpaat yajmo'otë yë y'u'unk y'ëna'këty ets tyo'oxytyëjkëty, ko wäänë myëjaawpëktëty tääts nyëjkxtëty.

1 Samuel 30:24

Mëti'ipë mnikajpxtëpën ka'ap pën t'oymyëtoy, jä'ä ko jëtu'un tä winë pyäätyën mëti'ipë ojts të tsyiptunyën, näjyëtu'un winë pyäätyë mëti'ipë të wyë'ëmtën xuumykwent'ajtpë.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.