1 Samuel 3:19 - Biblia Dc en Mixe de Quetzaltepec

¹⁹ Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.

Biblia Mixe de Quetzaltepec

¹⁹ Samuel ojts oy tsuj yeeky pyety ets xëmë ojts oy winë tuny tä ënäty ja Tios tsokyën, ets jëtu'un tä ënäty të twaantä'äkyën winë.

1 Samuel 3:19 ပူးပေါင်းရင်းမြစ်များ

Génesis 21:22

Jä'ä xëëw jä'ä jëmëjt ojts yë Abimélec nyijkxy ma jam ja Abraham tsyëënën ets mëët kyajpxa'any myëtya'aka'any, tam ënety näjyëtu'un pyanëjkxyë ja Ficol, mëti'ipë nyiwintsën'ajtypyën ja tsiptuunpëtëjk. Ënet ja Abimélec ojts t'ënëëmë ja Abraham: Këxë'kp ko yë Dios mëj këjää mputëkëty ma tu'kë'ëyë winë xytyunyën.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 39:2

Yë Dios yë'ë ënety mëët yajpaaty yë José ets José janty'oy ënety tyuny ma jam y'ityën ma ja wyintsën ja tyëjkën.

Génesis 39:3

Yë wyintsën, ko ojts t'ixy, ko ja José Dios mëët yajpaaty, paaty winë aak'oy wyimpëtsë'ëmxëty.

1 Reyes 8:56

Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënety të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

2 Reyes 15:12

Jëtu'un'äämpy ojts y'atëy ja Wintsën ja y'aaw y'ayuk, ko t'ënëmaay ja Jehú, ko ja y'u'unk y'ëna'k ja Jehú je'eyë taxk najtskä'äxë yajkutuka'antë jam Israel.

2 Reyes 22:16

ëjts, mëti'ipë Wintsën'ajtpën, jëtu'unës n'ëna'any: Nyajminäämpyës tu'uk yë mëj ëyo'on ma ya'atë it naaxwiinyëtën ets ma ya'atë ja'ay yaa tsyëënëtën, jëtu'un tä myinyën jap kuja'ay ma ja nokyën mëti'ipë ja yajkutujkpë të tkäjpxyën, yaapë tyunyën Judá.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.

Isaías 55:11

jëtu'un ja n'aaw n'ayukës mëti'ipës nkäjpxypën ka'ap tukwa'ats wyimpity, jëtu'un winë tyunyë jyätyë tääjës të ntuknipëjktaakën etsës nikäjpxy wi'ixës ntsokyën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

Lucas 1:80

Jëtu'un ja Juan ye'ky pyejty ets myëkpëjky mëët ja Kënu'kxymyëkajtën, jam tsyënaay ma ja të'ëts itjotmën koonëm ojts nyänyikëxë'ëkyë ma ja Israel ja'ayëtyën.

Lucas 2:40

Ets ja mëxu'unk ye'ky pyejty oy mëk, kuwinma'any ets kënu'kxëp ja Dios.

Lucas 2:52

Ets ja Jesús ye'ky pyejty, wij'ëtëtsp käj'ëtëtsp, tukxoontakëp ja Dios ets ja ja'ay.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Deuteronomio 18:22

Pën tëë ja käjpxynyajxpë tjanikäjpxy mëti'ipë ja Wintsën tyunäämpyën, ëkë mëti'ipë të tuknipëjktaakën ets ka'ap y'ëk'atëëwnë. Yë'ë mtuknijawëtëp ko ka'ap ënety Wyintsënëty të tnikäjpxy, ja käjpxynyajxpë paatykyëjxm jëtu'un të y'ënä'äny jä'ä ko mëj këjxm nyäyajnaxa'anyë, paaty miitsëty këtiimës mtsë'ëkëtëty.

2 Timoteo 4:22

Wä'än ja Wintsën Jesukristë tyajpaaty mëët mijts, Dios mkënu'kxëtëp ni'ëmukë.

Josue 21:45

Nitu'uk ojts ja Wintsën ja y'aaw y'ayuk tkaninaxy, tu'kë'ëyë tkuuytyuuntaay tä ënety të tnikäjpxyën ets të twinwanën ma ja Israel ja'ayëtyën.

Jueces 13:24

Ma ënety ja Wintsën ja kyukäjpxy të t'akäjpxyën myëxu'unk'ata'any ja u'unk, jää ojts jyänty myëxu'unk'aty ets tmooytyë ja xyëëw Sansón. Ko ye'ky pyejty ojts ja Dios mëjwiin këjää kyënu'kxyë.

1 Samuel 10:7

Ko jëtu'un tyunëtëty jyatëtëty ma mijtsën mëti'ipës yam n'akäjpxypën, mijts kë'ëm m'ixëp tii ënety mtunäämpy, yë Wintsën yë'ë mputëkëjanëp.

1 Samuel 12:2

Tyaa jëtu'un ja yajkutujkpë mpëjktä'äkyës mëti'ipë ënä'ämaanpën ma miitsëtyën ets mëti'ipë mtu'uwinye'eyëtëpën. Ëjts tëëjës nmëjja'ayënë ets tëëjës nkupo'ojënyë. Yi'iyës yë n'ëna'k jaakyajpatëp ma miitsëtyën. Ëjts tëëjës miits oy ntu'uwinye'eytyë, tyimtso'ontäky jëtu'un maas n'ëna'k'ajtyën ets tyampaat maas tëë nmëj ja'ayënën.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 18:12

Yë Saúl nyatsë'këp ënety wäänjaty yë David. Jä'ä ko Dios ënety putëjkëyëp xëmë, e yë Saúl ka'ap ja Dios y'ëkputëjkëyënë.

1 Samuel 18:14

E komë yë Wintsën yë'ë ënety xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 18:5

Tëkokyë mëti'ipë yë David tuk'ënä'ämëpën yë Saúl tyuuntääpy ijty, paaty pyëjktakë ets yë'ë twinye'eyëty ja tsiptuunpëtëjk mëti'ipë tsiptuunpë nëjkxtëpën. Ja tsiptuunpëtëjkëty ets tsiptuunpë wintsënëty oy tja'awëtyë ko ja David jä'ä tyu'uwinye'ey.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.