1 Samuel 29:1 - Biblia Dc en Mixe de Quetzaltepec

¹ Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.

Biblia Mixe de Quetzaltepec

¹ Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.

1 Samuel 29:1 ပူးပေါင်းရင်းမြစ်များ

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

2 Samuel 5:17

Ko yë filistejë ja'ayëty tnija'awëtyë ko tëë yë David yajkënu'kxnë ets yë'ë Israel kajpn t'ënä'ämëty ënät ojts ënätyë tnitsoontë ets tyaj'ooka'antë, e ja David ojts ënätyë tnijawë paaty ojts jam poj'am nyijkxy ma ja itjot mëti'ipë këwent'aty ijtpën ma ja mëtsip ka'ap myäyëtëty tyëkëtyën.

1 Reyes 20:30

E ja mëti'ipë ojts jyaakwë'ëmtën juuky jam ojts nyaskääkëtë ma ja Afec kajpnën, je'eyëp ko ja kajpn napots ojts kyëtäy ets nyijijtpäjtaaytyë ja ni''i'pxmilpë ja sirië ja'ayëty mëti'ipë ënety të kyä'äktën. Ja Ben-adad ojts näjyëtu'un kye'eky ets jam jyä'äjty kajpntum, winjëën wintëjk ojts jyaaknäyu'utsyë.

1 Reyes 21:1

Nyäjxy jëtu'un ja xëëw jëmëjt, jam ënety tu'uk yë ja'ay tsyëënë Jezreel, jä'ä xyëëwajtyp Nabot, jam ijty tmëëtëty tu'uk yë tsatsymkyam, winkon ma ja yajkutujkpë Ahab ja kyutujktaknën mëti'ipë jam ënä'ämpën Samaria.

1 Reyes 21:23

E mëët yë Jezabel ënätpë, yë Wintsën jëtu'un të y'ënä'äny: Yë uk yë'ë nëjkx tsu'utstë twëtstë ja Jezabel ja nyini'kx jam kamjotm tu'ujotm ma txëëwatyën Jezreel.

2 Reyes 9:30

Ënet ja Jehú ojts jam nyijkxy Jezreel. Ko yë Jezabel tnija'awëy, ënät yajxon tkooy tpëjky ja wyiin jyëjp ets tyaj'o'oyëy yë wyääy; tääts jam kyu'ijxnaxy ma tyëjkwiinën.

2 Reyes 9:36

Ënet wyimpijtë jatëkok ets tuk'ëwaanëja'antë ja Jehú, tä ja Jehú ojts tnimëtyä'äky: Tëëyëp yë Wintsën ënety t'akajpxpë mëët yë tyuunpë mëti'ipë xyëëwajtypyën Elías, jampë kyukajpnëtyën Tisbé, ko yë Jezabel, yë'ë nëjkx yë jyot nyini'kx tsyu'tsxëty yë uk jam ma Jezreel nyaaxjot kyamjotmën,

Salmos 83:7

näjyëtu'un yë Guebal ja'ayëty, Amón ja'ayëty, Amalec ja'ayëty, ets filistejë ja'ayëty mëti'ipë tsënaaytyëpën jam Tirë,

Josue 12:18

Afec, Sarón,

Josue 17:16

Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

Josue 19:30

Umá, Afec ets Rehob, jä'ä nyiwinë'atë ja kajpn i'px mäjtsk, ëpëky ja mutsk kajpn kanaak mëti'ipë mëët nyämyëwinkon'atëtën.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.

Jueces 7:1

Gedeón mëti'ipë ënety të txëëwmo'otën Jerubaal ets tëkokyë mëti'ipë ënety jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënety të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

1 Samuel 28:25

Tä ojts tukninëjkxy ja Saúl mëët ja tsyiptuunpëtëjk ets kyääytyë y'uktë. Ko kyääytyääytyë, tää ojts nyäjyëkajpxëtë ets jä'ä tsu'um tsyo'ontë ets nyëjkxnëtë.

1 Samuel 28:4

Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

1 Samuel 4:1

Ok ja Samuel tuknija'awëy ja naax kajpn tä ënety ja Wintsën të y'ënë'ëmxëtën. Jä'ä xëëw jä'ä jëmëjt ojts yë filistejë ja'ayëty tuknipëjktaakëtë ets tsyiptuna'antë mëët yë Israel ja'ayëty. Yë Israel ja'ayëty ojts näjyëtu'un tniwinmayëtë ja tsip, paaty ojts jam nyëjkxtë ma tu'uk yë it naaxwiinyëtë txëëwatyën Eben-ézer, tyam ja filistejë ja'ayëty jam ënety të jyajta'aktë ma txëëwatyën Afec.