1 Samuel 28:4 - Biblia Dc en Mixe de Quetzaltepec

⁴ Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

Biblia Mixe de Quetzaltepec

⁴ Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

1 Samuel 28:4 ပူးပေါင်းရင်းမြစ်များ

2 Samuel 1:21

Nijëna'a nëjkx jam kya'ëktuu kya'ëkpojnë, nän ka'ap yë maanik jam y'ëkëtaknëty, jam ma ja tun kopk txëëwatyën Guilboa, jä'ä ko ma tääpë itjotmën o'kën yë jam të y'ity. Jam yaj'atä'än yajtukta'antë ja tsiptuunpëtëjkëty ja pyujxnëty kyu'umënëty. Jam ojts yaj'ijxtëkooynyë ja pujxn mëti'ipë ijty ja Saúl nätyuk'akëëytyujkëpën.

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënety nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

2 Samuel 21:12

ënät ojts jam nyijkxy ets tyajpëtë'ky ja Saúl ja wyääy pyajk ets näjyëtu'un ja myaank Jonatán ja jyä'ä; yë'ë ënety jam kyëwent'ajtëp yë Japës ja'ayëty jampë tsyëënëtën Galaad. Yë Jabés ja'ayëty jam ojts yë Saúl ets Jonatán yë wyääy pyajkëty tmäätstë Bet-sán, ma tkutëëytyën yë filistejë ja'ayëty ko tyaj'o'ktë jam Guilboa.

1 Reyes 1:3

Ënet t'ixtaaytyë tu'uk ja to'oxy'ëna'k kajpn apëtsëmy, jam tu'uk tpatë ma ja kajpn txëëwatyën Sunem, jä'ä xyëëwajtyp Abisag, janty'oy ijty y'ixëty, ënät ojts ja yajkutujkpë tukninëjkxtë.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

1 Samuel 28:5

E ko jamtsow nyajts'ijxëy ets t'ijxy ja may filistejë ja'ay, ënät ja tsë'ëkë tyuktëjkëyë, ka'ap ojts y'ëkmaayënë wi'ix jyotmëkta'akëtyën.

1 Samuel 31:1

Ënet ja filistejë ja'ayëty ojts tyëkëtë tsiptuunpë mëët ja Israel ja'ayëty, ja Israel ja'ayëty ka'ap ojts myëta'aktë mëët ja filistejë ja'ayëty, ojts ja kyäknëtë, jä'ä ko may ënety ja jyä'äyëty të nya'o'knëtë jam kopkëjxm ma txëëwatyën Guilboa.

1 Samuel 31:8

Komjëpom ko ja filistejë ja'ayëty ojts nyëjkxtë ets twijtsmuka'antë ja y'o'kpëty, tääts tukye'eypyäjtë ja Saúl mëët nitëkëëk ja myaank, ooky jam jyëpijpnëtë tunkëjxm ma txëëwatyën Guilboa.