1 Samuel 28:23 - Biblia Dc en Mixe de Quetzaltepec

²³ E ja Saúl ka'ap ja kyääky kyupëjky, ja to'oxytyëjk ets ja tsyiptuunpëtëjk mëktä'äky y'ënëmaayëtë ets kyäyëty, täänëm kyääy. Tääts pyëti'ky oywyi'ix ets jam kyëxwe'tsy wëëtykyijxy.

Biblia Mixe de Quetzaltepec

²³ E ja Saúl ka'ap ja kyääky kyupëjky, ja to'oxytyëjk ets ja tsyiptuunpëtëjk mëktä'äky y'ënëmaayëtë ets kyäyëty, täänëm kyääy. Tääts pyëti'ky oywyi'ix ets jam kyëxwe'tsy wëëtykyijxy.

1 Samuel 28:23 ပူးပေါင်းရင်းမြစ်များ

1 Reyes 21:4

Ja Ahab mon tuk ojts nyëjkxnë ma tyëjkën jä'ä ko ënety jëtu'un ja Nabot të y'ëtsoyë, ko ka'ap tjëkyepy myo'ojëtëty mëti'ipë ja tyeety tyaak tukumaayën. Ko jyä'äjty ma tyëjkën ënätyë nyäkyo'kë, jam nyämyëjjujpetyë potsywinm ets ka'ap ojts y'ëkaaynyë.

2 Corintios 5:14

Ja Kristë ja tsyojkën jya'awën yë'ë yajpatp ma ëëtsëtyën maju'unëm yajnijawën ko tëë tku'o'këtyä'äy ja ja'ay, ets ja ja'ay jëtu'un ni'ëmukë të y'o'kta'atë.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Lucas 24:29

Ënet mëktä'äky t'ënëmaaytyë: Wë'ëm mëët ëëtsëty, jä'ä ko po'oxy tyamnë, tëë kyootsënyë. Tääts ja Jesús tyëjkëy tëkoty ets ojts mëët wyi'imy.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

Proverbios 25:20

Ko tu'uk ja'ay yajwin'ëy mëti'ipë mon tuk yajpatpën jëtu'un tjawë pën yowë tsyëtyut tuknima'tsëp yë tsajpox ëkë tä ja'ay yajpëjkën ja nyijän mëti'ipë tëpo'kpën.

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

1 Samuel 28:22

Paaty tyam nmënu'kxtä'äky ets xyjyä'äkyukëty ya'atë aaw ayuk, minës yë kääky tojkx n'ëkyaj'oyë ets mkayëty m'uukëty jëtu'unts mëkpëkëty ets jatëkok mnëjkxëty.

Ester 1:6

Ja tëja'aw ojts t'oytyuntë mëët oyëtypë wit atëëytyuk mëti'ipë myëët'ajtypyën wyooxyajtën poop, yëktsuxk ets tsuxk, yë'ë mëët tukkëxuuytyë oypyiity mëti'ipë tyijtëpën linëpiity, tsu'unkpë y'ixëtyën ets yë'ë mëët kyëxjenyëty poop pujxn, yë'ë mëët nyipotsëty yë marmol. Ojts näjyëtu'un tyaj'oyëtë u'unyääypyäjn, aak pu'ts pujxn ets poop pujxn mëët y'oytyunyëty. Ja tëkot jä'ä mëët wyimpotsëty ja tsaa u'unk mëti'ipë të'kxpën jajpën ets tsaa mëti'ipë yajwääpyën poop ets yëk.

Ezequiel 23:41

jam nyäkyëxko'këtë ma ja maapäjnën oypyë tsujpë ets jëjp'ixy ja kääky uuky y'ijnë, jam ma ja kaaytyaknën ojts ja pa'akxu'kpë tpëjkta'aktë ets tyajtooytyë ja on mëti'ipës ënety ëjts të nyajtuknipëjktaakën.