1 Samuel 28:10 - Biblia Dc en Mixe de Quetzaltepec

¹⁰ E ja Saúl ja Dios ojts ja xyëëw tukkajpxpety ets t'ënëmaay: Tyamës yë Dios yë xyëëw ntukkajpxpety ko mijts ka'ap tii mjatëtëty.

Biblia Mixe de Quetzaltepec

¹⁰ E ja Saúl ja Tios ojts ja xyëëw tukkajpxpety ets t'ënëmaay: Tyamës yë Tios yë xyëëw ntukkajpxpety ko mijts ka'ap tii mjatëtëty.

1 Samuel 28:10 ပူးပေါင်းရင်းမြစ်များ

Génesis 3:5

Yë Dios wa'ats tnijawë, ko tääpë ujtstëëm xyjyë'kxtëty, nëjkxëp xynyijawëtë mëti'ipë oy ka'oyën. Tä nëjkx tu'kë'ëyë winë xynyija'awëtya'atë ets nëjkx mja'ay'atë tä Tiosën.

2 Samuel 14:11

E ja to'oxytyëjk ni'ikyë y'ënaan'ëtë'ëtsy: Tyamës yë Wintsën yë xyëëw nkajpxpatë ets mijts nmënu'kxtä'äky ma yaa m'ëne'emyën myajkutukyën ets xymyëpëjktsowëty yë Wintsën ets jyä'äkyukëty ja nmëku'uktëjkës, këtiipë ja ëxëëk winma'any tpaatëty tyaj'ookantëpëty ja wiinkpë ja nmaankës, mëti'ipë je'eyë tu'uk jaakwë'ëmpën. Tä ja ënä'ämpë tnikajpxëy: Tyam yajxon n'ënëëmë mëët ja Wintsën ja xyëëw ko yë mmaank nitii kyajata'anyë jëtu'un tä jeexyë kyuwaay nitu'uk kyaka'ayën.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Mateo 26:72

Tääts ja Pedro y'ëtsoowkojnëpë: Tääpë ja'ay ka'apës n'ixy'äty.

Marcos 6:23

Ojts ja Dios tyajkäjpxy ko tmo'oja'any pën tii ja to'oxy'ëna'k y'amëtoopy, yë'ëpaat ojts ja kuttujkën kujkwä'kxy tukwinwanë.

1 Samuel 14:39

Tyamës yajxon nikäjpxy mëët yë Dios yë xyëëwkyëjxn, mëti'ipë xëmë yajtsokpyën yë Israel ja'ayëty. Ko oy tyimyë'ë'atëty ja nmaankës Jonatán, pën yë'ë të pyokytyuny, kwanë ko y'ookëty. Ma ja tsiptuunpëtëjkën nitu'uk ojts kya'ëtsowtë.

1 Samuel 19:6

Ko ja Saúl jëtu'un tmëtooy wi'ix ja Jonatán myäy tyäjyën, ënät yujk'ënany: Tyamës yë Wintsën yë xyëëw ntukajpxpäjtë ko yë David ka'ap mëpaat y'ooky.

1 Samuel 28:11

¿Pën mtsojkpy etsës nyajminëty? Jëtu'un y'ënäny ja to'oxytyëjk. Mëkajpx yë Samuel. Jëtu'un y'ëtsooy yë Saúl.

1 Samuel 28:9

Tääts ja to'oxytyëjk y'ëtsoowë: Mijts wa'ats xynyijawë wi'ix yë Saúl y'ëti'itsyën. Tëë wa'ats t'ëxwojpta'ay yë ja'ay mëti'ipë najtsja'awëtëpën ets mëti'ipë o'kpë yajmëtyaktëpën. ¿Wi'ix ko xy'amëtoyës ets ntunëtyës ja mëti'ipë je'eyë n'ëkku'o'kënëpës?