1 Samuel 26:18 - Biblia Dc en Mixe de Quetzaltepec

¹⁸ E yë'ëtsës tyam nyajtëëpy ¿wi'ix ko yë mëj'ënä'ämpë xy'ixëtity xypyajëtityës? ¿Tiijës të ntuuntëkoy? ¿Maajës ja npoky mëti'ipës nkujajtëpën?

Biblia Mixe de Quetzaltepec

¹⁸ E yë'ëtsës tyam nyajtëëpy ¿wi'ix ko yë mëj'ënä'ämpë xy'ixëtity xypyajëtityës? ¿Tiijës të ntuuntëkoy? ¿Maajës ja npoky mëti'ipës nkujajtëpën?

1 Samuel 26:18 ပူးပေါင်းရင်းမြစ်များ

Salmos 119:161

Yë ja'ayëty mëti'ipë ënä'ämtëpën yajkutujktëpën, yë'ëjës xy'ixjëtijt xypyajëtijtëp nanëkoo, ëjts ka'apës ma tii ntuuntëkoy; yë njot nwinma'anyës yë'ë wyinkutsë'këp yë m'aaw m'ayuk.

Salmos 35:7

Ajotkumonë yë n'o'ktaknës të tnipëjktaakëtë, ets ka'apës tii poky ntuny, tëë jut tajtë maas nkuka'anaxëtyën.

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Jeremias 37:18

Ojts yë Jeremías näjyëtu'un tyajtëy ja yajkutujkpë: ¿Maa të nmëtëkoy ets maas të nmëtëkoy ja wintsëntëjk mëti'ipë naaxjoty kajpnjoty tuuntëpën etsës xyajpujxntëjktëkëtëty?

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Juan 18:23

Ets ja Jesús y'ënäny: Pën tëëjës nkajpxtëkoy, nikajpx tii mka'oymyëtoopy; e pën oy mëti'ipës të nkäjpxyën, ¿tii ko mijts të xykyoyës?

Juan 8:46

¿Pën nyikajpxäämpy koos pokymyëëtës? E pën jaantyës nmëtyä'äky, ¿tii ko xykyamëpëktë?

1 Samuel 17:29

Tääts ja David y'ëtsooy: ¿E ëjts tiixës të ntuny? Ëjts je'eyës yam tu'k'aaw mäjtsk'aaw të nkäjpxy?

1 Samuel 20:1

Yë David ënätyë jam kyeky Naiot ma Ramá y'itjotmën ets ojts nyijkxy ma ënety yë Jonatán yajpaatyën ets t'ënëëmëja'any: ¿Tiijësën të ntuny? ¿Tiijëstën ëjts npoky'äjtyp? ¿Maajësën yë mteety të nmëtëkoy etsës jëtu'un xy'ixjëtijt xypyajëtitëty ets koonëmës xytyimyaj'ooka'any?

1 Samuel 24:9

Tä t'ënëmaay: ¿Wintsën, wi'ix ko xymyëpëky yë ja'ay mëti'ipë ënaanpën ko yi'iyës nmëmääpy nmëtäjpy wi'ix mijts o'ktëy ntunëtyën?