1 Samuel 26:16 - Biblia Dc en Mixe de Quetzaltepec

¹⁶ Ka'ap y'oyëty ko mijts jëtu'un m'ëtë'ëtsy, tyam yajxon n'ënëëmëty ko njanitëjkëtyëp jeexyë m'ooktë, ix ka'ap xykyëwent'atë oy ja mëj'ënä'ämpë mëti'ipë ja Wintsën kë'ëm të twin'ixyën. Ixta'a tyam ja kyu'umën ets ja nyëë'a'ukën mëti'ipë yaj'ijtypyën jam pyë'am ets xy'ixëty pën mpatyp.

Biblia Mixe de Quetzaltepec

¹⁶ Ka'ap y'oyëty ko mijts jëtu'un m'ëtë'ëtsy, tyam yajxon n'ënëëmëty ko njanitëjkëtyëp jeexyë m'ooktë, ix ka'ap xykyëwent'atë oy ja mëj'ënä'ämpë mëti'ipë ja Wintsën kë'ëm të twin'ixyën. Ixta'a tyam ja kyu'umën ets ja nyëë'a'ukën mëti'ipë yaj'ijtypyën jam pyë'am ets xy'ixëty pën mpatyp.

1 Samuel 26:16 ပူးပေါင်းရင်းမြစ်များ

2 Samuel 12:5

David yajxon ojts y'ëwa'antaknë, mëët tääpë ja ja'ay mëti'ipë ënety ja ëyoopëja'ay ni'ikyë të tpëjkën ja kyupixyny, tä ja Natán t'ënëmaay: Ëjts yam jëtu'un ënaanp ko tääpë ja'ay nitëjkëyëpë y'ookëty.

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

1 Reyes 2:26

E ja teety Abiatar, ojts ja yajkutujkpë y'ënë'ëmxëty: Nëjkx jam Anatot, ma xymyëëtëtyën yë mnaax mkam. Mijts mjapatëp jeexyë m'ooky e tyam mpokymye'kxy, jä'ä ko tëë yë Wintsën yë kyaaxë xykyiiyjyëtity maas nteety David muum të jyëtityën ets mijts näjyëtu'un të xymyëj'ëyoowpety.

Salmos 102:20

ets tmëtoowkukëja'any yë jyi'iyënëty yaxënëty ja tsumjyä'äytyëjk, ets tyajtso'oka'any ja ja'ay mëti'ipë yi'iyë y'ëwxijnëp ja o'kën;

Salmos 79:11

Mëtoow'it yë y'ëjën tyu'kën yë tsumjyä'äytyëjk, ets yajnitso'ok mëët yë mmëkajtën yë ja'ayëty mëti'ipë jyëjp'ijxtëpën ja o'kën tëko'oyën.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.

1 Samuel 20:31

Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

1 Samuel 24:6

ets t'ënëmaay ja jyä'äy: Tiosës xypyutëkëp ets ka'apës wi'ix ntunëty yë Saúl, yë nwintsënës mëti'ipë yajkutujkpën. Pën yajkutujkpë yajpaaty, yë'ëkyëjxm yajkutuky mëët ko yë Wintsën të wyin'ixyë.

1 Samuel 26:11

Yë Wintsën yë'ëjës xykyuwa'anëp ets ka'ap wi'ix ntunëtyës ja mëj'ënä'ämpë mëti'ipë yë'ë kë'ëm të twin'ixyën. Paaty yam n'ënëëmë ni'ik yi'iyë pëjkë'kë yë nyëë'a'ukëm ets kyu'umën tampë kyëpäjky tyaj'ityën.

1 Samuel 26:15

Tä ja David y'ënëmaayë: ¿Këtiitën myijtsëtyë mëti'ipë ja'ay tyijtëpën ko ka'ap ni pën mëpaatëtëtyë? ¿Wi'ix'äämpyën ënät tyam ko ka'ap oy xykyëwent'aty ja mëj'ënä'ämpë? Ni'ik ka'ap të xyjyawë ets ka'ap të xy'ixy ko tu'uk ja ja'ay jam të tyëkë ma miitsëtyën ets ja mëj'ënä'ämpë të tjayaj'ooka'any.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.