1 Samuel 25:34 - Biblia Dc en Mixe de Quetzaltepec

³⁴ E tyamts yajxon n'ënëëmë mëët yë Wintsën xyëëwkyëjxm mëti'ipë yë Israel ja'ayëty tyios'ajtëpën, ko yë'ë të t'axajtuky ets mijts ka'ap nyaj'ëyo'onpaatëty. Ko jeexyë të mkajotëkoy maas yaa të xypyäätyën, jopy kajxyëp yë Nabal nitu'uk yë jyä'äy kyuxëënyë.

Biblia Mixe de Quetzaltepec

³⁴ E tyamts yajxon n'ënëëmë mëët yë Wintsën xyëëwkyëjxm mëti'ipë yë Israel ja'ayëty tyios'ajtëpën, ko yë'ë të t'axajtuky ets mijts ka'ap nyaj'ëyo'onpaatëty. Ko jeexyë të mkajotëkoy maas yaa të xypyäätyën, jopy kajxyëp yë Nabal nitu'uk yë jyä'äy kyuxëënyë.

1 Samuel 25:34 ပူးပေါင်းရင်းမြစ်များ

Génesis 20:6

Ënet ja Dios y'ëtsoowë nän kuma'ayjoty: Ëjts wa'atsës nijawë ko mëët ja oyjyot oywyinma'any jëtu'unpë të xytyuny. Paatyës ka'ap të nyajkutuky ets xykyë'ënixajëty tääpë to'oxytyëjk, këtiipë mpokytyunëty ma ëjtsën.

Josue 10:6

E ko ja Gabaón ja'ayëty jëtu'un t'ijxtë ënätyë ojts tkäjpxynyikäxtë ja Josué jam Guilgal ma ënety jam yajpaatyën ets t'ënëmaaytyë: Wintsën këtii ëëts jëtu'unyë xynya'ixtë. Min poj'am putëjkëtëkës, tun yë mëyajtën ets niwaantutëkës, tëë yë yajkutujkpëtëjk mëti'ipë Amor ja'ayëtyën tu'ukyë nyäpyëkëtë jampë kopkjotm yajpaatën etsës xynyitëkëja'antë.

Josue 10:9

Yë Josué ko jam tsyo'ony Guilgal, koots ojts ye'ey ets jëtu'un tukja'ajty ja Amor ja'ayëty ajotkumonë.

1 Samuel 11:11

Komjëpom tëkëëkpëky ojts yë Saúl tyajwä'kxy yë tsiptuunpëtëjk, e kajts ënety xyiinyënëm ko jam tyëjkëtyë ma ja myëtsipëty jam jyajta'aktën. Wa'ats tyaj'o'ktaaytyë ja Amón ja'ayëty ets jëtu'un tyimkujkxyëëwëy. E mëti'ipë ojts jyaakwë'ëmtën juuky ojts nyäpyuwa'ktuta'ajëtë ets nitu'uk ojts kyawë'ëmtë.

1 Samuel 25:18

Poj'am ojts yë Abigail mäjtsk mëko'px t'ixy yë tsajpkääky, mäjtsk'apëjkën yë uuky, mëkoxk ooky yë kupixyny tsyä'äy, wëxtyikxy pyok yë tsajpmokääky, mëko'px kony yë tsatym tyë'ëts ets mäjtsk mëko'px kony yë tsëtyu'un tsa'am të'ëts. Ko jëtu'un t'ijxmujktaay ënät ojts tukniwë'ënta'ay ja jyëyujk,

1 Samuel 25:22

Paaty ojts tnikäjpxy Dios wintum ets y'ënäny: Dios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.