1 Samuel 25:26 - Biblia Dc en Mixe de Quetzaltepec

²⁶ E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

Biblia Mixe de Quetzaltepec

²⁶ E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 25:26 ပူးပေါင်းရင်းမြစ်များ

Génesis 20:6

Ënet ja Dios y'ëtsoowë nän kuma'ayjoty: Ëjts wa'atsës nijawë ko mëët ja oyjyot oywyinma'any jëtu'unpë të xytyuny. Paatyës ka'ap të nyajkutuky ets xykyë'ënixajëty tääpë to'oxytyëjk, këtiipë mpokytyunëty ma ëjtsën.

2 Samuel 18:32

Tä ja yajkutujkpë tyajtëëy ja Etiopíë ja'ay: E yë Absalón ¿oy mëk yajpaatyë? Tä ja Etiopíë ja'ay y'ëtsooy: Jëtu'un jeexyë jyajta'atë tëkokyë mëti'ipëjaty myëtsip'ajtëpën yë Wintsën tä tääpë mmëtsip të jyätyën.

2 Reyes 2:2

Tääts ja Elías t'ënëmaay ja Elisejë: Yaa wë'ëm, jä'ä ko jamës yë Wintsën të xykyexy Betel. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënet ojts nimäjtsk nyëjkxtë jam Betel.

2 Reyes 4:6

E ko ja tu'ts tyuktujktaay, tä t'ënëmaay jam tu'uk: Jaakyajmin yë tu'ts ja tu'uk. Tä ja myaank y'ëtsoowë: Ka'ap tii tu'tsnë. Jää ojts ja on xyä'kxtuky.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Proverbios 31:12

Jotkujk ja nyiye'etyëjk tyajnäjyawëty, ets xëmë jotkujk jyuuky'äty.

Jeremias 29:22

E ko ënety yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

Daniel 4:19

Ënet ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Hebreos 10:30

Nnija'awëm ëëtsajtëm ko Dios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

1 Samuel 1:26

Tääts ja Aná t'ënëmaay ja teety: Wintsën, ëknamä'kx, jëtu'un ijxtëm mijts mjuuky'ätyën jëtu'un tyiyëty, ko ëjts jëtu'un ja to'oxytyëjk mëti'ipë yaa miinën jëëpyë yaxpë ets kajpxtakpë Dios wintuuy, ma ënety yaa mijts myajpaatyën.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

1 Samuel 22:3

Jam ja David tsyo'ony ets ojts nyijkxy Mizpá ma ja Moab ja y'itjotmën, ënät t'ënëmaay ja yajkutujkpë ja jampë y'ëne'emyën: Wintsën, mijts yam nmënu'kxtäkpy ets xy'a'ixëty wä'än yë nteety ntaakës yaa t'itë ma mnaax mkajpnën koonëmës yajxon nijawëty tii yë Wintsën tyunäämpyën mëët ëjts.

1 Samuel 25:25

Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënety jam ko ja mtuunpë jam jya'ojtstë.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.