1 Samuel 25:25 - Biblia Dc en Mixe de Quetzaltepec

²⁵ Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënety jam ko ja mtuunpë jam jya'ojtstë.

Biblia Mixe de Quetzaltepec

²⁵ Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënäty jam ko ja mtuunpë jam jya'ojtstë.

1 Samuel 25:25 ပူးပေါင်းရင်းမြစ်များ

2 Samuel 13:33

Paaty mijts Wintsën, ka'ap m'ëna'anëty ko tëë ja ënä'ämpë ja y'ëna'k tyim o'kta'atë, je'eyë tu'uk të y'ooky, yi'iyë Amnón.

Proverbios 29:7

Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Isaías 32:5

Ka'ap nëjkx oyjyä'äy yajtijy mëti'ipë winma'anytyukën ets ka'ap nëjkx yaj'oyjyawë mëti'ipë tsëtyu'untëkën.

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.

1 Samuel 25:24

Ets twinkoxtënaay ma ja David ja tyeky'ëjxën ets t'ënëmaay: Wintsën ëjts winë npoky'atëpës. Mëyajtënës yam npëjktsowäämpy ets xymyëtoow'itëty mëti'ipës yam nikajpxäämpyën ets wäänë xytyunëty yë mëyajtën xyjyä'äkyukëty.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 25:3

Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënety jyä'äy'ajtpë tëtä'äky ets wijy ets oy tsuj y'ixëty.