1 Samuel 25:13 - Biblia Dc en Mixe de Quetzaltepec

¹³ Tä ja David ja jyä'äy t'ënëmaaytyääy: Tëkokyë pëjkjë'kta'atë mëti'ipë mëtsiptuuntëpën. Tääts ja yenypyujxnëty nyätyukmoxwë'ënëtyë ets ja David näjyëtu'un, nimajktaxk mëko'px ja ja'ay pyanëjkxë ets nimäjtsk mëko'px ojts wyë'ëmtë këwent'ajtpë ma ja y'ijtaknëtyën.

Biblia Mixe de Quetzaltepec

¹³ Tä ja David ja jyä'äy t'ënëmaaytyääy: Tëkokyë pëjkjë'kta'atë mëti'ipë mëtsiptuuntëpën. Tääts ja yenypyujxnëty nyätyukmoxwë'ënëtyë ets ja David näjyëtu'un, nimajktaxk mëko'px ja ja'ay pyanëjkxë ets nimäjtsk mëko'px ojts wyë'ëmtë këwent'ajtpë ma ja y'ijtaknëtyën.

1 Samuel 25:13 ပူးပေါင်းရင်းမြစ်များ

2 Samuel 15:18

Jam tëjkpë'am, jam nyäpyëjktaktaayëtë ja jyä'äy mëti'ipë nyiwintsën'ajtëpën ja tsiptuunpë ja'ayëty, e ja Queret ja'ayëty ets ja peleteos ja'ayëty mëti'ipë kyëwent'ajtëpën ja yajkutujkpë ets ja nitëtujk mëko'pxpë ja quereteos ja'ayëty mëti'ipë ënety ja David të tpaye'eyë'ëktën jam Gad, jä'ä jëyëjp nëjkxtëp.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Proverbios 16:32

Tsoowpatp ni'ik ëwxijt mä'kxtujkën, ets këtiinëm ko ja'ay jyotmëkëty. Tsoowpatp ni'ik ko ja'ay nyäy'awijtsë'ëkyë, ets këtiinëm ko ja'ay naax kajpn tmëmëtä'äky.

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Proverbios 19:2

Ka'ap y'oyëty ko tii mëj këjää ntsojkën'ajtmëty ets ka'ap jëyëjp nmëma'ay nmëtajmëty. Ko janty tsojkyë winë nyajwintu'upëka'anmëty, jëna'ajëty ka'ap oy wyimpëtsëmy.

Proverbios 20:22

Nijëna'a mka'ëna'anëty ets tii ëxëëk xytyuunwinpita'anëty, nikë yë'ë tuk'ijxpät yë Wintsën, ets yë'ë mputëkëtëty ma tii xymyëmay xymyëtajyën.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënety tä y'ëna'antën, ja Wintsën ka'ap ojts jëyëjp tyajtëwtë.

1 Samuel 22:2

Tëkokyë ja ja'ayëty mëti'ipë ënety o'ktëy jajtëp këpäjtëpën ojts ja David tpuwa'këtya'atë ets mëti'ipë ënety jam ja nyu'kxëtyën ets näjyëtu'un ja mëti'ipë ënety ka'ap jyotkujk'atën, yë David yë'ë nikopk'ajtëtë. Ya'atë ja'ayëty mëti'ipë ja David pyuwa'këtyën, jä'ä nyiwinë'ajtë nimajktaxk mëko'px.

1 Samuel 23:13

Ënet ja David mëët ja jyä'äy jam tsyo'ontë Queilá, jä'ä nyiwinë'atë nitëtujk mëko'px ets ojts nyëjkxtë muum jëkäm, ni yë'ë tkanijawëtë maajëtën nyëjkxtë. Ko ja Saúl tnija'awëy ko ja David tëë kye'eky, ënät ja Saúl jatëkok t'akajpxtujky ets ka'ap nëkoo tnitsoontëty ja David.

1 Samuel 25:12

Tä ojts ja David jatëkok ja jyä'äy jëtu'unyë wyimpijnëtë. Ko jam jyajtë ma ja Davidjën wa'ats tukmëmëtyaktaaytyë wi'ix ënety ja Nabal të y'ëtsoyën.

1 Samuel 27:2

Jëtu'un yë David ojts jam tsyo'onë ma ënety jam yajpaatyën mëët nitëtujk mëko'px ja jyä'äy mëti'ipë ënät jämyëët'ajtëpën ets jam myëtuna'antë ma ja mëj'ënä'ämpën mëti'ipë txëëwajtpën Aquis, yë myaank yë Maoc, jampë y'ëne'emyën Gad naaxjotm.