1 Samuel 25:11 - Biblia Dc en Mixe de Quetzaltepec

¹¹ Miitsëty jä'ä jëtääjën m'ënantëpë: ¿Ëjts tyamës ënät ja kääky tojkx ëkë jë'kxy pëky nyakëty mëti'ipës ja ntuunpëtëjk të ntuknipëjktaakën ets miits nmo'otëty ets tyam ka'ap n'ixy'atë?

Biblia Mixe de Quetzaltepec

¹¹ Miitsëty jä'ä jëtääjën m'ënantëpë: ¿Ëjts tyamës ënät ja kääky tojkx ëkë jë'kxy pëky nyakëty mëti'ipës ja ntuunpëtëjk të ntuknipëjktaakën ets miits nmo'otëty ets tyam ka'ap n'ixy'atë?

1 Samuel 25:11 ပူးပေါင်းရင်းမြစ်များ

Job 31:17

Ka'apës ëjts nijëna'a tii nätyu'uk të nkay të një'kxy, xëmës të nyajwä'kxy yë nka'ayën n'ukën mëët yë ku'ooky u'unk.

2 Corintios 6:9

Jëtu'unës ja ja'ay xyjyawëtë ijxtëmës jeexyë ka'ap xy'ixy'atën, oyës xyjya'ixy'ätë. Mëpaatëp n'o'knëtës, je'eyëp ko jaakjuuky'ajtëpës; xytyiytyuuntëpës, je'eyëp ko ka'apës xytyimyaj'ooktë.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.

Jueces 8:15

Tä ja Gedeón ojts jam nyijkxy Sucot ets t'ënëmaay ja kukajpnëty: ¿Miitsëty wa'ats jëtää xyjyä'ämyätstë wi'ix ojts xynyëxi'ik xytyukxi'iktësën maas ënety mëët näpyajëtitëtën ja Zébah ets Zalmuná? ¿Mja'amyäjtstëp ko miitsëty nitu'ktukyën ojts yë nja'ayës xykyamo'oja'antë kääky uuky oy ënety tëë jya'ënu'kxënëtë; miitsëty je'eyë m'ëtsoowtë ko tiis ëëts nätyukyajmëjnajxëtëp kajts maa ja mëtsip tmatstëmës?

Jueces 8:6

E ja mëjja'aytyëjk jampë Sucot yajpaatën tyaa y'ëtsoowtë: ¿Tiixë të xytyuny, kajts xyaj'ookynyëm ja Zébah ets ja Zalmuná yë mtsiptuunpë ka'ap pyaatëtë kyäytyëty?

Jueces 8:8

Ko jam tsyo'ony Sucot, jam ojts nyijkxy Penuel, jam t'amëtooy yë ka'ayën ukën. Näyjyëtu'un jam yaj'ëtsooy tä ojts Sucot yaj'ëtsoyën.

1 Samuel 24:13

Jëtu'un tu'uk yë ayuk y'ënä'äny: Yë ëxëëktu'un ëxëëkajpxën, ëxëëkja'aytyëjk jëtu'unpë nitëjkëyëp. Paatyës kajëna'a mijts nkakë'ënixajëty

1 Samuel 25:12

Tä ojts ja David jatëkok ja jyä'äy jëtu'unyë wyimpijnëtë. Ko jam jyajtë ma ja Davidjën wa'ats tukmëmëtyaktaaytyë wi'ix ënety ja Nabal të y'ëtsoyën.

1 Samuel 25:3

Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënety jyä'äy'ajtpë tëtä'äky ets wijy ets oy tsuj y'ixëty.

1 Samuel 25:7

Tëës nijawë'aty ko mëk jam mtuny ma xynyikeepy xynyipëkyën yë mkupixyny. E mijts wa'ats xynyijawë ko yë mtuunpëtëjk mëti'ipë myajkupixyny këwent'ajtëpën tëë yaa Carmel kanaak xëëw yajpaatë mëët ëëtsëty. E ma yaa yajpatën mëët ëëtsëty ka'ap yaj'ënajxëtyë ets ka'ap ojts nitii yajpëjkëtë.