1 Samuel 24:9 - Biblia Dc en Mixe de Quetzaltepec

⁹ Tä t'ënëmaay: ¿Wintsën, wi'ix ko xymyëpëky yë ja'ay mëti'ipë ënaanpën ko yi'iyës nmëmääpy nmëtäjpy wi'ix mijts o'ktëy ntunëtyën?

Biblia Mixe de Quetzaltepec

⁹ Tä t'ënëmaay: ¿Wintsën, wi'ix ko xymyëpëky yë ja'ay mëti'ipë ënaanpën ko yi'iyës nmëmääpy nmëtäjpy wi'ix mijts o'ktëy ntunëtyën?

1 Samuel 24:9 ပူးပေါင်းရင်းမြစ်များ

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Proverbios 26:28

Yë ja'ay mëti'ipë antakpën ëxëëk t'ixy mëti'ipë tëyajtën mëtyakpën, mëti'ipë ja'ay je'eyë tyäty kyu'aawën yajjo'ptääpy winë je'eyë.

Proverbios 25:23

Ko pyojy anëkëjxytsyow tu'ujaanp ënety, ko ja'ay ëxëëkjaty kyäjpxy myëtyä'äky, ëxëëk yë wyiin jyëjp tuny.

Proverbios 18:8

Yë pi'tskäjpxy jëtu'un yë'ë tä jë'kxy pëkyën pa'akpë ets ka'ap jyotkëtä'äky; e ko yajmëtoow'ity, jëtu'un yajmëtoy tim atëjk tim jotëjkëp yowë.

Proverbios 17:4

Yë ëxëëkja'aytyëjk ets mëti'ipë je'eyë win'ë'ëntëpën, janty'oy tmëtowtë yë ëxëëk aaw ëxëëk ayuk.

Proverbios 16:28

Yë ja'ay mëti'ipë ëxëëk yë jyot wyinma'anyën je'eyë xëmë jyänty tsyip'ixta'ay; yë ja'ay mëti'ipë pi'tskajpxpën, je'eyë myëku'uk tyajnämyëtsiptsoonyë.

Salmos 141:6

Yë ëxëëkja'aytyëjkëty nëjkxëp yajkujëpijpnajxta'atë ja'awjoty ets jäänëm nëjkx tnijawëtë ko ja aaw ayuk mëti'ipës nkäjpxypën, janty mëtëy yë'ë.

Salmos 101:5

Nyaj'ëmonäämpyës yë ja'ay mëti'ipë myëjëën myëtëjk ayu'utsy ame'tsyë nyi'ëëpy nyikäjpxypën; ka'apës nijënu'un yë ja'ay jeky nwiintänëja'any mëti'ipë amëj akëjxm ja'ay'ajtpën, ets mëti'ipë nämyëjja'aw näjyääntyjya'awëyëpën.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.

1 Samuel 20:1

Yë David ënätyë jam kyeky Naiot ma Ramá y'itjotmën ets ojts nyijkxy ma ënety yë Jonatán yajpaatyën ets t'ënëëmëja'any: ¿Tiijësën të ntuny? ¿Tiijëstën ëjts npoky'äjtyp? ¿Maajësën yë mteety të nmëtëkoy etsës jëtu'un xy'ixjëtijt xypyajëtitëty ets koonëmës xytyimyaj'ooka'any?

1 Samuel 24:8

E ja David ënätyë tpapëtsëëmy jap aankjoty ets tyaaxwinpijty: Wintsën, Wintsën. Saúl ënätyë y'ijxwinpijty ets ja David nyaaxkooy poj'am, tyajwinkëxë'ëky jëtu'un ja näywyinkutsë'kën.

1 Samuel 24:10

Tyam tëë kë'ëm xy'ixy, mijts Wintsën, ko ka'apës mijts të nyaj'ooky. Yë Dios tëë mjakë'ëyäkyë ko tyam ojts të mjëtity jap aankjoty, kajxyëp tsyipëty jeexyë mijts të nyaj'ooky, e tëë mpokymye'kxy. Jä'ä ko tyaajës të nmay të ntajy ko mijts m'ëne'emy, Dios jëtu'un të mpëjktä'äkyë m'ënä'ämëty.

1 Samuel 26:18

E yë'ëtsës tyam nyajtëëpy ¿wi'ix ko yë mëj'ënä'ämpë xy'ixëtity xypyajëtityës? ¿Tiijës të ntuuntëkoy? ¿Maajës ja npoky mëti'ipës nkujajtëpën?

Jeremias 37:18

Ojts yë Jeremías näjyëtu'un tyajtëy ja yajkutujkpë: ¿Maa të nmëtëkoy ets maas të nmëtëkoy ja wintsëntëjk mëti'ipë naaxjoty kajpnjoty tuuntëpën etsës xyajpujxntëjktëkëtëty?

1 Samuel 20:41

Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënety yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.