1 Samuel 24:10 - Biblia Dc en Mixe de Quetzaltepec

¹⁰ Tyam tëë kë'ëm xy'ixy, mijts Wintsën, ko ka'apës mijts të nyaj'ooky. Yë Dios tëë mjakë'ëyäkyë ko tyam ojts të mjëtity jap aankjoty, kajxyëp tsyipëty jeexyë mijts të nyaj'ooky, e tëë mpokymye'kxy. Jä'ä ko tyaajës të nmay të ntajy ko mijts m'ëne'emy, Dios jëtu'un të mpëjktä'äkyë m'ënä'ämëty.

Biblia Mixe de Quetzaltepec

¹⁰ Tyam tëë kë'ëm xy'ixy, mijts Wintsën, ko ka'apës mijts të nyaj'ooky. Yë Tios tëë mjakë'ëyäkyë ko tyam ojts të mjëtity jap aankjoty, kajxyëp tsyipëty jeexyë mijts të nyaj'ooky, e tëë mpokymye'kxy. Jä'ä ko tyaajës të nmay të ntajy ko mijts m'ëne'emy, Tios jëtu'un të mpëjktä'äkyë m'ënä'ämëty.

1 Samuel 24:10 ပူးပေါင်းရင်းမြစ်များ

Salmos 105:15

Këtii nëkoo ëxaty xynyatun xynya'ënëëmëtëty ya'atë ja'ayëty mëti'ipës të nwin'ixyën, ets ijxkëm nëkoo ëxaty xytyuntë xy'ënëëmëtë yë nkäjpxynyajxpëtëjkës.

Salmos 125:3

Tu'uk yë yajkutujkpë mëti'ipë ka'ap tukjatyën oy y'ënä'ämëty, ka'ap tjëkyepy jeky yajkutukëty ma naaxwiinyëtën mëti'ipë ja Dios të tmo'oyën ja nyaax kyajpn, jä'ä ko pën jëtu'un, tsojk ja'ay tii tuntëkoytyëty.

Salmos 7:3

Wintsën mëti'ipës nTios'ajtypyën. ¿Tiijës të ntuuntëkoy? ¿Tëës ntuuntëkoyë?

Salmos 7:4

¿Tëës ja njëëky nmëku'uk ëxëëk ntuunwimmpity ma winë oy të tunyën mëët ëjtsë? ¿ëkë tëës nanëkoo ntsaatsytyuny ja nmëtsipë?.

Éxodo 21:13

E pën ka'ap ja myëku'uk tsokyëty të tyaj'ooky ets pën jëtu'un ënety ja Dios të timyajkutujkpë ets y'ookëty, ok ntuk'ëwaanëty ma nëjkx kyäktso'okyën.

Ezequiel 22:9

Mëët ko je'eyë wyin'ëëntë, mëti'ipë yajpatëpën ma mijtsën paaty yë wiinkëtypë ja'ay y'ooktë tyëkoytyë; nyinëjkxtëp ja tëkatsypë ja tios mëti'ipë jam tunkëjxm kopkkëjxm nyixëëwtuuntëpën ets tuntë ka'apë tyuunëtyën.

1 Samuel 24:4

Tä ja David ja jyä'äy y'ënëmaayë: Tyam jëtu'un tniwä'äky ko ja Wintsën m'ënëmaayë ko ja mmëtsip nëjkxëp jëna'a tpëjktä'äky mteky'ix'am. Paaty tyam mijts ix tii mtunäämpy. Ënet ja David pyëti'ky ame'tsyë ets ojts wäänë tputsujkë ja Saúl ja nyijän, ni''ix a'ixë ojts tputsuky këtiipë y'ixëtëty.

1 Samuel 24:9

Tä t'ënëmaay: ¿Wintsën, wi'ix ko xymyëpëky yë ja'ay mëti'ipë ënaanpën ko yi'iyës nmëmääpy nmëtäjpy wi'ix mijts o'ktëy ntunëtyën?