1 Samuel 23:4 - Biblia Dc en Mixe de Quetzaltepec

⁴ Ënet ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

Biblia Mixe de Quetzaltepec

⁴ Ënät ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

1 Samuel 23:4 ပူးပေါင်းရင်းမြစ်များ

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

2 Reyes 3:18

Tyaapë tyäty wäänë yë'ë mëti'ipë yë Wintsën tyunäämpyën, jä'ä ko yë'ë ëpëky tkë'ëyaka'any ma miitsëtyën yë Moab ja'ayëty,

1 Crónicas 14:10

Ja David ojts ja Wintsën jëyëjp tyajtëy pën oy'ajtp twinkuwa'akëty ja myëtsip, jëtu'un y'ënäny: ¿Oy'atëp koos yë filistejë ja'ayëty mëët ntsiptuntëtyë, xyajmëta'akëpësë jëtääjë? Tä ja Wintsën y'ëtsoowë: Jëjpkuwa'akë, tyam nyajmëta'akëty.

Josue 8:7

Ënet mpëtsëmtëty ënätyë ets ja kajpn xynyitëkëtëty, jä'ä ko yë Wintsën tëë tkë'ëyäky.

Jueces 6:39

Ënet ja Gedeón ojts y'ënaankojnëpë: Wintsën këtii m'ëk joot'anpëkëty oy yam ya'atë xi'itë n'ëkyajtëy: Tu'kjëjpyës yam je'eyë ja nija'awën njaaktsoky. Tyam yë'ë mtunëp, ja naax jä'ä myajxookëp ets ja kupixyny'ak ka'ap xyajxookëty.

Jueces 7:7

Ënet ja Gedeón y'ënëmaayë ja Wintsën: Ya'atë nitëkëëk mëko'pxpë ja'ayëty yë'ë mëët nyajtso'oka'any yë Israel kajpn, etsës nyajkutëkoyä'äny yë Madián ja'ayëty. Ja nimaypyë ja ja'ayëty oy wyimpitëty.

Jueces 7:9

Koots ojts ja Wintsën tmëkäjpxy ja Gedeón ets t'ënëmaay: Gedeón ëkpëtë'ëk, nänyipëjktaakët ënätyë ets nëjkx xytyukja'ty yë Madián ja'ayëty jam ma yajpaatën jam joyjyotm, jä'ä ko tëëjës nkë'ëyäky ma mijtsën.

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënet Ja Wintsën y'ëtsoowinpijty ko ja Saúl tam ja ënety yajpaaty je'eyëp ko tëë ënety nyäyu'utsyë ma ja xyuumy tyaj'itën ja mayjyä'äyëty.

1 Samuel 23:2

tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

1 Samuel 23:3

E ja David ja jyä'äy tyaa ojts y'ëna'antë: Ëëts'ajtëm yääyë Judá njayajpatëmë, tääts ntsë'këmë. Tiimëk jëtää pën nëjkxëm jam Keilá ets ntsiptu'unmëty mëët yë filistejë ja'ayëty.

1 Samuel 23:5

Ënet ja David mëët ja jyä'äy jam tsyo'ontë ets ojts nyëjkxtë Keilá, jamts mëët yajxon ja filistejë ja'ay tsyiptuuntë, ka'ap tyajmëtaktë, tääts tpëjkëtyääytyë ja jyëyujk tsyajpkaajëty. Jëtu'un'äämpy tyajtsoktë ja ja'ayëty jampë tsyëënëtën Keilá.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.