1 Samuel 23:26 - Biblia Dc en Mixe de Quetzaltepec

²⁶ Ja Saúl pë'aaytsyow tna'ëwtity ja kopk mëët ja jyä'äy, e ja David jëxkë'ptsow nyajxpë mëët ja jyä'äy, ets jotëkoy jap jyantynyäxy tääts tmëjëkämkäktë ja Saúl. Ko ja Saúl ets ja jyä'äy tyajku'ëtujktë ja David ets ja jyä'äy ets tam ënety timmyatsanëtë.

Biblia Mixe de Quetzaltepec

²⁶ Ja Saúl pë'aaytsyow tna'ëwtity ja kopk mëët ja jyä'äy, e ja David jëxkë'ptsow nyajxpë mëët ja jyä'äy, ets jotëkoy jap jyantynyäxy tääts tmëjëkämkäktë ja Saúl. Ko ja Saúl ets ja jyä'äy tyajku'ëtujktë ja David ets ja jyä'äy ets tam ënäty timmyatsanëtë.

1 Samuel 23:26 ပူးပေါင်းရင်းမြစ်များ

2 Samuel 15:14

Ënet ja David t'ënëmaay ja myëkutuunktëjk jënu'un mëët yajpaatyën Jerusalén: Tsojk nkäkëmë, ko yaa n'ëku'ëtujkënëty ets Absalón xyaj'o'ktä'ämyëty. Ja'amta'ayëmë pëyi'ikyë këtiipë xynyajtspatëmëty, jä'ä ko yë'ë yajja'ay'okaanp ënät.

2 Crónicas 20:12

Wintsën ma mijts myaj'ëwtatyën, ¿tii këtiijën xytyukkëpäta'any ko ëxëëk xytyuntësë? Ëëtsëty ka'apës näy'a'ixëtë mëët ntsiptuntëty jä'ä ko nimay yë'ëjëty. Ka'apës nijawëtë tiijës ntuntëp paaty mijts tu'ukyë myajtuk'ijxpety.

Salmos 17:11

Janty wiinkonës nnäjyawëty xy'ixjëtit xypyajëtitë, tyimnitajëjantëp yë njot nini'kxës.

Salmos 17:9

Maas yë nmëtsiptëjkën mëti'ipës të xyajnatuktën etsës xyaj'ooka'antë.

Salmos 22:12

Tëës yë nmëtsip xynyapikë, aakjëtu'un yaj'ixtë tsajpkaajën, tä yë tsajpkaa inën mëti'ipë jam Basán.

Salmos 22:16

Ijxtëm yë may y'ukën, jëtu'unës yë ëxëëkja'aytyëjk të xynya'ëwtitë, tëës yë nkë'ë nteky tyajtsëtyujta'atë.

Salmos 31:22

Maas ënety ka'ap jotkujk näjyawëtyën, ënätës ojts nmay ntajy ko tëëjëntij xyjyä'äytyëkooynyës; e ko ojts n'amëtoy ja näypyutëkë, ojts ënätyë xy'ëtsoyës.

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënety ets jam npëtsëmtëtyës juuky.

Apocalipsis 20:9

Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.

Jueces 16:2

Ko yë ja'ayëty tnija'awëtyë mëti'ipë jam kukajpnajtëpën Gaza ko yë Sansón tëë jam jyä'ty kyajpnjotmëty, ënät ojts tyajnatuktë ja tëjk ets tu'kxëëw ojts tkëwent'atë ja tëjkëtyakn jam ma ja kajpn yajnitëkën. Ko ojts tsyu'ujënyë tää nyëjkxtaaytyë ma tyëjkëtyën, jëtu'un ojts myäytyë tyajtë ko jopyëp tyaj'ooka'antë ja Sansón ko xyiinytya'akëty

1 Samuel 19:12

Ënet ja Mical tkutëëynyäjxy ja David tejpxymyëët japtsow tëjkjëxkë'p ets jëtu'un ja David kyeky.

1 Samuel 20:38

Tääts jatëkok ja Jonatán t'ënëmaay ja tyuunpë janty mëk: Mëta'ak jotëkoy, pëyi'ikyë nëjkxkoj këtii mwa'ak'oyë. Ënet ja tyuunpë ojts tkajpë'ëky ja ti'pxnkepy ets tkë'ëmooy ja wyintsën.

1 Samuel 23:25

Ënet ja Saúl ënätyë tsyo'ony mëët ja jyä'äy ets nëjkx t'ixta'aja'antë ja David. Ko ja David yajtuk'ëwa'anëy jamtsow jyënäjky tsaatunkëjxm ma txëëwatyën Maón. Ko ja Saúl tnija'awëy, ënätyë ojts jam nyijkxy Maón ets ja David tmatsa'any.

1 Samuel 23:27

Ënet tu'uk myiiny ja kukäjpxy ets t'ënëmaay ja Saúl: Wintsën, poj'am winpit, jä'ä ko yë filistejë ja'ayëty tam yë nnaax'ajtëm tnitëkëja'antë.