1 Samuel 23:2 - Biblia Dc en Mixe de Quetzaltepec

² tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

Biblia Mixe de Quetzaltepec

² tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

1 Samuel 23:2 ပူးပေါင်းရင်းမြစ်များ

1 Samuel 23:4

Ënet ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

2 Samuel 5:23

David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënety jam të mja'ty ma ja kepyjotyën mëti'ipë yajtijpën bálsamo.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

Jeremias 10:23

Wintsën, ëjts nnija'apës ko yë naaxwiinyëtë ja'ay ka'ap kyë'ëmëty nyäyajjuuky'ätyë ets ka'ap yë'ëjëty t'awitsy jënu'un jyuuky'ata'any ets wi'ix jyuuky'ata'any.

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

1 Samuel 23:6

E ja Abiatar, yë myaank yë Ahimélec tëë ënety kye'eky, jam ënety të nyijkxy Keilá, tääts mëët nyäpyaata'anyë ja David, ojts tmënëjkx ja efod.

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënety tä y'ëna'antën, ja Wintsën ka'ap ojts jëyëjp tyajtëwtë.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

1 Crónicas 14:10

Ja David ojts ja Wintsën jëyëjp tyajtëy pën oy'ajtp twinkuwa'akëty ja myëtsip, jëtu'un y'ënäny: ¿Oy'atëp koos yë filistejë ja'ayëty mëët ntsiptuntëtyë, xyajmëta'akëpësë jëtääjë? Tä ja Wintsën y'ëtsoowë: Jëjpkuwa'akë, tyam nyajmëta'akëty.

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënet Ja Wintsën y'ëtsoowinpijty ko ja Saúl tam ja ënety yajpaaty je'eyëp ko tëë ënety nyäyu'utsyë ma ja xyuumy tyaj'itën ja mayjyä'äyëty.

1 Samuel 23:3

E ja David ja jyä'äy tyaa ojts y'ëna'antë: Ëëts'ajtëm yääyë Judá njayajpatëmë, tääts ntsë'këmë. Tiimëk jëtää pën nëjkxëm jam Keilá ets ntsiptu'unmëty mëët yë filistejë ja'ayëty.

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

1 Samuel 14:37

Ënet ja Saúl tyajtëëy ja Dios: ¿Oy'atëp koos nitëkëty yë filistejë ja'ayëtyë? ¿Mkë'ëyakëp ma Israel ja'ayëtyënë? E ja Wintsën ka'ap ojts y'ëtsoy jä'ä xëëw.