1 Samuel 22:7 - Biblia Dc en Mixe de Quetzaltepec

⁷ Ënet t'ënëmaay ja tsiptuunpë wintsëntëjk: Miitsëty Benjamín yë jyä'äy, mëtowtë yajxon mëti'ipë yam ntuk'ënëëmëjantëpën: ¿Wä'än tääjën yë David mmo'ojëty yë mnaax mkamëtyë ets ënät näjyëtu'un mpëjkta'akëtëty tsiptuunpë wintsën ma kyutujktaknënë, tä tyam miits nmo'otënë?

Biblia Mixe de Quetzaltepec

⁷ Ënät t'ënëmaay ja tsiptuunpë wintsëntëjk: Miitsëty Benjamín yë jyä'äy, mëtowtë yajxon mëti'ipë yam ntuk'ënëëmëjantëpën: ¿Wä'än tääjën yë David mmo'ojëty yë mnaax mkamëtyë ets ënät näjyëtu'un mpëjkta'akëtëty tsiptuunpë wintsën ma kyutujktaknënë, tä tyam miits nmo'otënë?

1 Samuel 22:7 ပူးပေါင်းရင်းမြစ်များ

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

1 Samuel 25:10

E ja Nabal tyaa ja y'ëtsooy: ¿Pënën tääpë mtijtëp David? ¿Pën ja'ayën tääpë xynyikajpxtën ko Jesé tmaankëty? tyam ya'atë xëëw ya'atë jëmëjt may yë ja'ay kye'eky jyëtity, mëti'ipë mëtuuntëpën ko ja wyintsën wyintaj tkamëj'ixtë.

1 Samuel 22:13

Tä ja Saúl tyajtëëy: ¿Wi'ix ko mijts mëët yë myaank yë Jesé xynyikäjpxytyunëtës? Tëë xymyo'oy yë tsajpkääky ets tu'uk yë yenypyujxn, ¿Këtiijë? ets tëë näjyëtu'un të Dios xymyëkäjpxy mëët yë'ëkyëjxm ¿këtii?, e tyam oytyës ënät maa xytyu'u'u'unyëty etsës xyaj'ooka'anëty tä tyam y'ëti'itsyën.

1 Samuel 22:9

Ënet ja Doeg yujk'ëtsooy, ja Edom ja'ay, mëti'ipë ënety jam näjyëtu'un yajpatpë ma ja tsiptuunpëwintsëntëjkëtyën: Wintsën, ëjts tëëjës n'ixy ja Jesé ja myaank jam Nob, ko të tni'otsy yë teety Ahimélec, yë myaank yë Ahitub, ets mëët të kyäjpxy të myëtyä'äky.

1 Samuel 20:30

Ënet ja Saúl yajxon tukjoot'anpëjky ja Jonatán ets t'ënëmaay: Mëxy kupoj, wi'ix ojts yë mtaak mtimyajminyë naaxwiiny. ¿Tii këtiijës xyij nnijawë ko mijts janty'oy mëët yë Jesé myaank mnäjyawëtyë mëti'ipë yajtsëyuump yajjaaypyäjtp ma mijtsën ets ma mtaakënë?

1 Samuel 20:27

E komjëpom ma mëmäjtsk xëëw tnixëëwtuntën ja po'o u'unk, ja David ja y'ënyääypyäjn winwa'ats ojts jatëkok wyi'imy. Tä ja Saúl tyajtëëy ja myaank Jonatán: ¿Wi'ix ko ëxë'ëy ka'ap myiiny ja Jesé myaank kääpyë, e tyam nän ka'ap myiinkojnëpë?

1 Samuel 18:14

E komë yë Wintsën yë'ë ënety xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

2 Samuel 18:1

Ojts ja David t'ijxmujkta'ay ja tsyiptuunpëtëjk ets ojts tpëjkwa'kxta'ay tu'kmiljatyëty ets mëko'pxjatyëty, ma tu'kpëkyjätyën aak pyëjktaktaay ja nyiwinye'epyë.

1 Crónicas 12:16

Ojts näjyëtu'un mëti'ipë ja Benjamín ja jyä'äyëty ets ja Judá jyä'äyëty tpuwa'akëtë ja David ja jyä'äy, ma ënety jam yajpaatën këwent'ajtpë.