1 Samuel 22:6 - Biblia Dc en Mixe de Quetzaltepec

⁶ Jam ënety yë Saúl yajpaaty Guibeá, jam y'u'unyë ma ja tamarisco kepypya'tkën, winkon ma ja tsajptëjkën mëët ja tyiypyujxn kyë'ëkëjxm, aaktam yajpaatë ja tsyiptuunpë wintsëntëjkëty. E ko tnija'awëy ko ja David mëët ja jyä'äy tëë ënety yaj'ixtë.

Biblia Mixe de Quetzaltepec

⁶ Jam ënäty yë Saúl yajpaaty Guibeá, jam y'u'unyë ma ja tamarisco kepypya'tkën, winkon ma ja tsajptëjkën mëët ja tyiypyujxn kyë'ëkëjxm, aaktam yajpaatë ja tsyiptuunpë wintsëntëjkëty. E ko tnija'awëy ko ja David mëët ja jyä'äy tëë ënäty yaj'ixtë.

1 Samuel 22:6 ပူးပေါင်းရင်းမြစ်များ

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

Jueces 4:5

Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

1 Samuel 14:2

Yë tyeety jam ënety yajpaaty tunkëjxm ma tu'uk yë mëj kepypya'tkën, ma ënety yë ja'ay të tyajpajk'atën yë tsajpmok. Jam ënety näjyëtu'un yajpaatë yë tsiptuunputëjk nitëtujk mëko'px.

1 Samuel 18:10

Komjëpom ja Saúl ojts tyukëtä'äkyë ja ëxëëk poj mëti'ipë yë Dios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënety jam tä xëmë kyoyën. E ja Saúl tam ja kyu'umën tkë'ëkap'aty,

1 Samuel 19:9

Ënet ja Saúl ojts jatëkok tyukja'tyë ja ëxëëk poj mëti'ipë ja Wintsën kë'ëm kyäjxën, e tamts ënety y'u'unyë ma ja kyutujktaknën mëët ja kyu'umën, e ja David koop ënety jam,

1 Samuel 20:33

Ko yë Saúl jëtu'un tmëtooy, ënätyë yë kyu'umën tkajpë'ky ets tjayaj'ookany ja myaank Jonatán. Jëtu'un'äämpy ojts ja Jonatán twinjawë ko ja tyeety jyantyyaj'ookäämpy ënety ja David.

1 Samuel 31:13

Ja kuyjaam mëti'ipë ojts wyintooykyëtä'äkyën jam ojts tyajnaaxtëkëtë Jabés, ma tu'uk yë kepypya'tkën. Wëxtujk xëëw y'ayuu'ajtë, tmëkjawëtë ko ënety ja o'kën tëko'oyën të y'ity ma ja Saulën mëët nitëkëëk ja myaank.