1 Samuel 20:30 - Biblia Dc en Mixe de Quetzaltepec

³⁰ Ënet ja Saúl yajxon tukjoot'anpëjky ja Jonatán ets t'ënëmaay: Mëxy kupoj, wi'ix ojts yë mtaak mtimyajminyë naaxwiiny. ¿Tii këtiijës xyij nnijawë ko mijts janty'oy mëët yë Jesé myaank mnäjyawëtyë mëti'ipë yajtsëyuump yajjaaypyäjtp ma mijtsën ets ma mtaakënë?

Biblia Mixe de Quetzaltepec

³⁰ Ënät ja Saúl yajxon tukjoot'anpëjky ja Jonatán ets t'ënëmaay: Mëxy kupoj, wi'ix ojts yë mtaak mtimyajminyë naaxwiiny. ¿Tii këtiijës xyij nnijawë ko mijts janty'oy mëët yë Jesé myaank mnäjyawëtyë mëti'ipë yajtsëyuump yajjaaypyäjtp ma mijtsën ets ma mtaakënë?

1 Samuel 20:30 ပူးပေါင်းရင်းမြစ်များ

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Efesios 4:31

Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Proverbios 27:3

Yë tsaa ets jin je'emtyëty yë'ë, e yë ëwa'an'ajtën ni'ik jye'emtyëty këtiinëm yë tsaa ets jin.

Proverbios 25:28

Jëtu'un tä tu'uk yë kajpnën mëti'ipë ka'ap nyapotsyëtyën ets kutsë'ëkë y'ity, jëtu'un yë ja'ay nyäxy mëti'ipë ka'ap nyäy'akuwitsëtyën.

Proverbios 19:19

Mëti'ipë ja'ay poj'am joot'anpëjkpën o'ktëy jyäty kyëpety; ko nkajëjpwijtswinpijtmëty, ni'ikyë y'o'ktë.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Proverbios 15:2

Yë wijyjyä'äytyëjkëty yë'ë kyajpxtëp wijyajtën; e yë tsuuja'ayëty yë'ë kyajpxtëp tsuu'at.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Job 5:2

Ko xëmë je'eyë nmo'onmëty ntujkmëty ets nmä'ämyëty ntajmëty, nëkoopë yë'ë, tsojk nän yi'iyë nätyukyaj'o'këmëty.

1 Samuel 20:29

E mëktä'äkyës të xy'amëtoy koos n'ëwatsëty ja nyëë tyu'u, täätsës të nkexy. Jä'ä ko ja tyeety tyaakëty yë'ë jam yë wintsë'kën yakantëp mëti'ipë winjëmëjt yajktëpën ets ja y'äjty mëktä'äky të nyikäxëty. Täätsës näjyëtu'un të xy'ënëëmë ko pën n'ëwatsëpës ja tyu'u ets näjyëtu'un nëjkx tku'ix tkukajpxë ja jyiiky myëku'uk. E paatykyëjxm ka'ap yaa tyam xy'ixy.

1 Samuel 20:31

Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.