1 Samuel 20:21 - Biblia Dc en Mixe de Quetzaltepec

²¹ Täätsës ja ntuunpë n'ënëëmëty: Nëjkx ixta'a ja ti'pxnkepy. Koos n'ënëëmëty: ja ti'pxnkepy tyaatsow jä'ä ma mtänën, mëta'ak ets mëmin, jyëkyäpëp mpëtsëmëty akujk jotkujk. Jä'ä ko mijts ka'ap nitii mjata'any mkëpäta'anyë. Tyampës nikäjpxyën Dios xyëëwkyëjxmës yam jëtu'un n'ëna'any.

Biblia Mixe de Quetzaltepec

²¹ Täätsës ja ntuunpë n'ënëëmëty: Nëjkx ixta'a ja ti'pxnkepy. Koos n'ënëëmëty: ja ti'pxnkepy tyaatsow jä'ä ma mtänën, mëta'ak ets mëmin, jyëkyäpëp mpëtsëmëty akujk jotkujk. Jä'ä ko mijts ka'ap nitii mjata'any mkëpäta'anyë. Tyampës nikäjpxyën Tios xyëëwkyëjxmës yam jëtu'un n'ëna'any.

1 Samuel 20:21 ပူးပေါင်းရင်းမြစ်များ

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Jeremias 5:2

Tää ja'ay mëti'ipë tii nyikäjpxypën yë'ë tyukkajpxpejtyp yë Dios yë jyuukyajtën, je'eyëp ko antaktëp.

Amós 8:14

Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

1 Samuel 20:20

Ënätës tëkëëk'ok nti'pxë'ëka'any jamtsow, jëtu'un ijxtëm jeexyë tii ntukti'pxtä'äkyësën.

1 Samuel 20:22

E koos n'ënëëmëty: Ja ti'pxnkepy jam ja jëkäm, ninëjkx jam. Mijts ënätyë mpëtsëmëty ets mkä'äkëty. Jä'ä ko ja Wintsën jëtu'un ënety të tuknipëjktaakë ko ni'ik oy ko mtimkyä'äkëty.

1 Samuel 20:36

Ko jam jyajtë, tääts ja tyuunpë t'ënëmaay: Pëyi'ikyë nëjkx ixta'a ya'atë ti'pxn mëti'ipës yam nti'pxë'ëkäämpyën. Tääts ja Jonatán tu'uk ti'pxë'ky ja tyi'pxn. Janty jëkäm ojts tnajtsti'pxë ets ja tyuunpë pyëyë'ktso'ony.