1 Samuel 2:6 - Biblia Dc en Mixe de Quetzaltepec

⁶ Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Biblia Mixe de Quetzaltepec

⁶ Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

1 Samuel 2:6 ပူးပေါင်းရင်းမြစ်များ

1 Reyes 17:22

Ja Wintsën ojts tmëtoy ja Elías ja wyaantak nyu'kxtakën ets ja pi'k ëna'k jatëkok jyuukpyijky.

2 Reyes 5:7

Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

Job 5:18

Ko pën tyajtsëtyuty, pojën jatëkok tyajtso'oky; ko pën tkoxy, pojën jatëkok tyajjotkujkë.

Salmos 116:3

Ja o'kën jëtu'unës të xytyukja'ty tä ja'ay yajtsumy yajxotyën mëët yë tejpxy, tëës ja monyëtukyë xytyukja'ty mëti'ipë jap tso'onpën o'kpëjutjoty tä jeexyë tsumy matsy nyajpaatyënës jëtu'unës të näjyawëty mëët ja tsë'ëkë ets ja pëjkën ijxën.

Salmos 30:4

Miitsëty, ninu'un yë Wintsën oy xymyëtuntën, win'ëw winya'axtë, mëjpëjkta'aktë wa'atspë xyëëwën.

Salmos 68:20

Yë Dios, mëti'ipë nTios'ajtëmën yajnitsokp yë'ë, ets yë'ë mëti'ipë xyjyu'tmëpën o'këntuuy.

Salmos 71:20

Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënety jap ëxëëk njatyën nkëpetyën.

Eclesiastés 3:3

Nyixëëw nyijëmëjt pyätyp ko pën yaja'ay'ooky ets ko pën yajtsooypyetsy. Ko pën tii tyaj'oyë ets ko pën tii tyajma'aty.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Ezequiel 37:12

E oy, tukmëkajpx yë nxëëwës ets xy'ënëëmëty: Naax kajpn mëti'ipës nnaax'ajtyp nkajpn'ajtypyën, nyaj'ëwatsta'ajäämpyës yë m'o'kpë jut; eetsës nyajpëtsëëmtaja'any yë o'kpëpajk ets jatëkok juuky wyimpitëty ma mnaax mkajpnën.

Ezequiel 37:3

Ënet xy'ënëmaayës: ¿Wä'än jëtää tääpë maypyajk jatëkok yë jyuukyajtën tpëktëtyë? Ënätës n'ëtsooy: Wintsën, mijts mnija'ap.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Juan 11:25

Ënet ja Jesús y'ënëmaayë: Ëjts yajjuukpyëjkpë, ëjts nyäjkpy ja juukyajtën. Pën ëjts xymyëpëjkp, oy jya'ooky, juukpyëkaanp jatëkok;

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.