1 Samuel 2:22 - Biblia Dc en Mixe de Quetzaltepec

²² Ja Eli mëjja'ay'ëtëtsnëp ënety ni'ikyë, e oy jyëtu'unëty, nyija'awëtyääpy wi'ix ja y'ëna'k y'ëtë'ëtstën, ets yë'ëpaat ënety mëët y'ijtmujknëtë ja to'oxytyëjkëty mëti'ipë jam tuuntëpën ma yajnitëkën ja wit tëjk ma mëët ja Dios ja näpyaatë y'ityën.

Biblia Mixe de Quetzaltepec

²² Ja Eli mëjja'ay'ëtëtsnëp ënäty ni'ikyë, e oy jyëtu'unëty, nyija'awëtyääpy wi'ix ja y'ëna'k y'ëtë'ëtstën, ets yë'ëpaat ënäty mëët y'ijtmujknëtë ja to'oxytyëjkëty mëti'ipë jam tuuntëpën ma yajnitëkën ja wit tëjk ma mëët ja Tios ja näpyaatë y'ityën.

1 Samuel 2:22 ပူးပေါင်းရင်းမြစ်များ

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Éxodo 38:8

Yë Besalel ojts ja akë'ëpujën tu'uk tyajkojy aak tsuxkpujxn, yë'ë ojts mëët tyaj'oyë ja to'oxytyëjkëty ja y'ijxnëty, mëti'ipë ënety nätyuk'ijxëtëpën ja jampë kyëwent'atën ma ja wit tëjk yajnitëkën ma ja näpyaatë y'ityën mëët ja Dios, ojts ja nyi'ëjx näjyëtu'un tyajkojë, aakyë'ë tsuxkpujxn yajtuun.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

1 Samuel 2:23

Ënet t'ënëmaay jatëkok ja myaank: Xii yaa yë'ëjës nmëtoopy wi'ix miitsëty ëxëëk m'ëtë'ëtstën. ¿Wi'ixëtën ko jëtu'un mja'ay'atë?

1 Samuel 3:13

Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

1 Samuel 8:1

Ko ja Samuel ojts myëjja'ayënë, ënät ojts ja myaank nimäjtskpë tuknipëky ets twinye'eytyëty ja naax kajpn ets ja tsip näjyëtu'un.