1 Samuel 19:5 - Biblia Dc en Mixe de Quetzaltepec

⁵ Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

Biblia Mixe de Quetzaltepec

⁵ Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

1 Samuel 19:5 ပူးပေါင်းရင်းမြစ်များ

2 Samuel 23:10

E yë'ë tu'ukyë ojts ja wyinma'any tpëjktä'äky, yajxon may ja filistejë ja'ay tyaj'o'ky jä'ä xëëw, koonëm ja kyë'ë ojts jëtu'unyë jyu'unë jam yenypyujxnkëjxm. Yë Wintsën yë'ë ojts yajmëta'akëtë jä'ä xëëw. Ko jëtu'un t'ijxtë yë Israel ja'ayëty ënät tëkokyë tpuwa'këtyääytyë ja Eleazar ets tpëjkmujktaaytyë winë mëti'ipë ënety ja myëtsipëty jëtu'unyë të tnipëyë'ktu'utën.

1 Crónicas 11:14

e ko yë Eleazar jëtu'un t'ijxy, atu'uk twinkuwa'këy ja filistejë ja'ayëty jam kam'itkujkm, tääts yë'ë myëtäky, ja filistejë ja'ayëty ojts kyäkta'atë. Jëtu'un'äämpy ja Wintsën tyajmëtäky ja Israel ja'ayëty.

1 Crónicas 11:18

Ënet ja nitëkëëkpë ja jotmëkja'aytyëjk ojts nyëjkxtë ma ja filistejë ja'ay jam y'ijta'aktën ets tyajpëtsëëmtë ja nëë ma nëëjutën jampë yajpaatyën ma ja Belén kajpn yajnitëkën ets tuknimiintë ja David. E ja David ka'ap ja nëë t'uky, naaxkëjxy ojts tpiky ets jä'ä ja Wintsën tukwintsë'këy,

Salmos 109:5

Koos winë oy ntuny nkäjpxy, yë'ëjëty wiinkjaty tuunwinpitë; koos yë tsojkën ja'awën nmëëtëty, xytyuk'ëxëëk'ijxtëpës je'eyë.

Salmos 119:109

Ëjts janty o'kën jëjp'amës xëmë nyajpaaty, je'eyëp ko ka'ap nja'atyëkoyës yë m'ijxpëjkën.

Salmos 25:3

Ka'ap mëpaat nijëna'a tsëtyu'unmëët wyë'ëmtë mëti'ipë mtuk'ijxpäjtëtëpën. Yë'ë tsëtyu'unmëët wë'ëmtëp, mëti'ipë mkäjpxykyumëtoownajxëtëpën.

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Mateo 27:4

ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Filipenses 2:30

Jawäänë të kya'ooky ko tmëtuny ja Kristë. Tëë ja jyuukyajtën tpëjktä'äky kutsë'ëkëtum koos xymyo'oy ja putëjkën ko miits mkamëta'aktë.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Jueces 12:3

E koos n'ijxy miitsëty ka'ap maa mkëxë'ëktë, ënätës ojts kë'ëm ntimnyijkxy tsiptuunpë ma ja Amón ja'ayëtyën, e yë Wintsën ojtsës xyajmëtä'äky. ¿E miitsëty wi'ix ko ënät tyam mintë ets je'eyë mtsip'ixta'atë?

Jueces 9:17

Yë nteetyës ojts jyot wyinma'any tmëktuny ko mnitsiptuunëtë ets myajtsokëtë ma Madián ja'ayëtyën.

1 Samuel 11:13

E ja Saúl ënätyë ojts tukkajpxë ets y'ënäny: Tyam ni pën mëpaat kya'ooky, jä'ä ko yë Wintsën yë'ë të tyajtso'oky yë Israel kajpn.

1 Samuel 14:45

Ënet ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Dios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.

1 Samuel 19:6

Ko ja Saúl jëtu'un tmëtooy wi'ix ja Jonatán myäy tyäjyën, ënät yujk'ënany: Tyamës yë Wintsën yë xyëëw ntukajpxpäjtë ko yë David ka'ap mëpaat y'ooky.

1 Samuel 20:32

Tä yë Jonatán y'ëtsooy: ¿E tiits ko y'ookëty? ¿Tii të tuuntëkoy?

1 Samuel 22:14

Tä ja Ahimélec t'ëtsooy ja yajkutujkpë: ¿Wintsën, pën jëtää janty wintsë'ëkë m'ëk yaj'ijtëp ets janty'oy janty tsuj m'ëkmëtunyë ma nitëkokyë yë mtsiptuunpëwintsëntëjkën, ets aak'oy winë tuny ma kutujktaknën tä yë Davidjën?

1 Samuel 28:21

Ko ja to'oxytyëjk t'ijxy ko ja Saúl jëtu'unyë jyënuunkëtaknë, tä ojts tmëwinkony ets t'ënëmaay: Ya'atë to'oxytyëjk, yë mtuunpë, tëë tkuuytyuny ijxtëm të xy'ënëëmën. Tëës yë nkë'ëmjuukyajtën npëjktä'äky atsë'ëkëtuuy mëët koos të npatuny mijts ja m'ënä'ämën.