1 Samuel 19:4 - Biblia Dc en Mixe de Quetzaltepec

⁴ Ets Jonatán oy ojts nimëtyä'äky ja David ma tyeetyën, jëtu'un, t'ënëmaay: Yajkutujkpë, jëtu'unës nja'ënaanpë ko ka'ap yowë y'oyëty ko mijts tëkatsy mmay mtajy ma Davidjën, jä'ä ko yë'ë ka'ap maa tmëtuuntëkoy yë yajkutujkpë, ni'ikyë oypyë mtukmëtunyë.

Biblia Mixe de Quetzaltepec

⁴ Ets Jonatán oy ojts nimëtyä'äky ja David ma tyeetyën, jëtu'un, t'ënëmaay: Yajkutujkpë, jëtu'unës nja'ënaanpë ko ka'ap yowë y'oyëty ko mijts tëkatsy mmay mtajy ma Davidjën, jä'ä ko yë'ë ka'ap maa tmëtuuntëkoy yë yajkutujkpë, ni'ikyë oypyë mtukmëtunyë.

1 Samuel 19:4 ပူးပေါင်းရင်းမြစ်များ

Génesis 42:22

Ënet yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

2 Crónicas 6:22

Ko ënety pën tii ja myëku'uk të tukmëtuuntëkoy ets t'atsip'aty ets yë'ë tukajpxpätëty ja Wintsën ja xyëëw yaa ma wintsë'këntyaknën mëti'ipë yajpatpën ma ya'atë tsajptëjkën.

Salmos 35:12

Ëxëëk tuunwinpitë koos tii oy ntuny; mon tukës näjyawëty koos jëtu'un n'ixy.

Salmos 59:4

Wintsën, ëjts ka'apës yë ëxëëk winma'any nmëëtëty, ka'apës tii ntuuntëkoy, ka'apës tii ëxëëk ntuny nkäjpxy, e yë'ëjëty xytyimyaj'ookantëpës. Paaty tyam ëkjootwij; minës putëjkëk ets ni''ijxë'kës.

Proverbios 17:13

Kajëna'a yë ëxëëkpë kyajëwa'akëty ma ja'ay ja tyëjkën mëti'ipë ëxëëk yajwinpijtypën ja oypyë.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

1 Corintios 8:12

Ko ja mmëku'uk xyajtëkooyëty ja wyinma'any, Kristë ënety jëtu'un mmëpokytyuuntëp.

1 Juan 3:15

Pën ja myëku'uk kyatsojkpy kyame'kxyp, jëtu'un ja tpaaty ijxtëm jeexyë yaja'ay'ookyën, miits mnija'awëtëp ko yë yaja'ay'o'kpë ka'ap tmëëtëty ja xëmëkyëjxmëpë ja juukyajtën.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Dios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënety tuknipëjktaakë ko yaj'ooka'anëtë.

1 Samuel 20:32

Tä yë Jonatán y'ëtsooy: ¿E tiits ko y'ookëty? ¿Tii të tuuntëkoy?

1 Samuel 22:14

Tä ja Ahimélec t'ëtsooy ja yajkutujkpë: ¿Wintsën, pën jëtää janty wintsë'ëkë m'ëk yaj'ijtëp ets janty'oy janty tsuj m'ëkmëtunyë ma nitëkokyë yë mtsiptuunpëwintsëntëjkën, ets aak'oy winë tuny ma kutujktaknën tä yë Davidjën?