1 Samuel 19:18 - Biblia Dc en Mixe de Quetzaltepec

¹⁸ Jëtu'un'äämpy ojts ja David kye'eky. Jam ojts nyijkxy Ramá ma jam ja Samuel ënety yajpaatyën ets tukmëmëtyaktaay wi'ix ënety ja Saúl të jyayaj'ooka'anyën. Jamts tsyo'ontë yë David mëët yë Samuel ets ojts nyëjkxtë jam Naiot tsënääpyë.

Biblia Mixe de Quetzaltepec

¹⁸ Jëtu'un'äämpy ojts ja David kye'eky. Jam ojts nyijkxy Ramá ma jam ja Samuel ënäty yajpaatyën ets tukmëmëtyaktaay wi'ix ënäty ja Saúl të jyayaj'ooka'anyën. Jamts tsyo'ontë yë David mëët yë Samuel ets ojts nyëjkxtë jam Naiot tsënääpyë.

1 Samuel 19:18 ပူးပေါင်းရင်းမြစ်များ

Salmos 116:11

Janty nitiijës ënety nka'ëkjëjp'ijxnë koos njaak'ënany, ko tëkokyë yë naaxwiinyëtë ja'ay aak antaktëp.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Dios winpity atëjy ets mtso'oktëty. Tuunp ni'ik ko ja oyjyä'äy Dios tja'amyetsy.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënety të tpëjktsoy.

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

1 Samuel 19:19

Ko ja Saúl tnija'awëy ko ja David jam ënety yajpaaty Naiot ma ja Ramá y'itjotmën,

1 Samuel 19:22

Ënet ojts ja Saúl jam kë'ëm tyimnëjkxy Ramá, e ko jam jyä'äjty ma jam tu'uk yë nëë'apojtsë'ëkyën ma txëëwatyën Secu, tä jam tyajtëëy pën jam ënety yajpaatë ja Samuel ets David. Ka'ap ojts tyëkoy'äty, pën ojts nikajpxkojyën ko jam ënety yajpaatë Naiot ma ja Ramá y'itjotmën.

1 Samuel 19:23

Ets ojts ja Saúl jam nyijkxy, e ënäts tu'uk ja Dios ja myëk'ajtën y'oyajtën tyukëtakë ets näjyëtu'un tyëjkëy ëtëtspë ënaanpë tä ja käjpxynyajxpëtëjkëtyën. Jëtu'un ojts tyu'uye'ey koonëm jyä'äjty jam Naiot ma ja Ramá y'itjotmën.

1 Samuel 20:1

Yë David ënätyë jam kyeky Naiot ma Ramá y'itjotmën ets ojts nyijkxy ma ënety yë Jonatán yajpaatyën ets t'ënëëmëja'any: ¿Tiijësën të ntuny? ¿Tiijëstën ëjts npoky'äjtyp? ¿Maajësën yë mteety të nmëtëkoy etsës jëtu'un xy'ixjëtijt xypyajëtitëty ets koonëmës xytyimyaj'ooka'any?

1 Samuel 21:11

Tääts ja Aquis ja tsyiptuunpë wintsëntëjk y'ënëmaayëtë: Yë'ë tyaapë David mëti'ipë mëët tyunyën yë Saúl, yë yajkutujkpë, mëti'ipë yaa ënä'ämpën ma ya'atë naax kajpnën. Yë'ë ijty ja to'oxytyëjk kuuy'ëëwëtëp ma y'ätstën: Tu'kmil yë Saúl tyaj'o'ky yë myëtsip, e yë David jä'ä të tyaj'ooky majk mil.

1 Samuel 28:3

Tääpë jëmëjt ja Samuel tëë ënety y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.