1 Samuel 18:8 - Biblia Dc en Mixe de Quetzaltepec

⁸ Yë Saúl ka'ap ojts t'oymyëtoy ya'atë ëy ets ojts jyoot'anpëky, paaty y'ënäny: Yë David majk mil nikajpxtë yë myëtsip të tyaj'ooky ets ëjts je'eyës nyajnikäjpxy tu'uk mil të nyaj'ooky. Je'eyëp ko tkapëjktaknëtë ënä'ämpë yajkutujkpë.

Biblia Mixe de Quetzaltepec

⁸ Yë Saúl ka'ap ojts t'oymyëtoy ya'atë ëy ets ojts jyoot'anpëky, paaty y'ënäny: Yë David majk mil nikajpxtë yë myëtsip të tyaj'ooky ets ëjts je'eyës nyajnikäjpxy tu'uk mil të nyaj'ooky. Je'eyëp ko tkapëjktaknëtë ënä'ämpë yajkutujkpë.

1 Samuel 18:8 ပူးပေါင်းရင်းမြစ်များ

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

Ester 3:5

E ko ja Amán tjanty'ijxy ko tëytyëm ko ka'ap ja Mardoqueo kyoxtänë ko nyäxy, ënät ojts yajxon jyänty jyoot'anpëky;

1 Samuel 20:31

Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kuttujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Samuel 13:14

E tyam ënät yë mkutujkën jëjptukaanp yë'ë. Yë Wintsën yë'ë ënät kë'ëm y'ixta'ajëp pën tsyojkpy ets ënät tpëjkta'akëty ënä'ämpë ma kyajpnën, mëët jä'äkyëjxm ko mijts ka'ap të xytyuny tä ënety të mja'ënëmxëtyën.

1 Samuel 18:9

Jä'ä xëëw tsyo'ontäky ma ja Saúl t'ëxëëk'ijxyën ja David.

1 Samuel 19:1

Ënet ja Saúl ojts mëktä'äky tuk'ëne'emy ja myaank Jonatán ets ja tsyiptuunpë wintsëntëjk ets tyaj'ooktëty ja David. E yë Jonatán mëj këjää ënety tsoky tjawë yë David.

Génesis 37:8

Ënet ja y'äjtyëjk y'ëtsoowtë: ¿Tii jä'ätën mja'ëna'any ets mijts myajkutujkpë'atëty, tääts ëëtsëty xy'ënä'ämtëtyë? Ni'ikyë ojts jyänty myëtsiptsoonëtë ko jëtu'un wyinkumaay ets ko ojts nikäjpxy wi'ix ënety të wyinkuma'ayën.

Génesis 37:11

Paaty ja jyiiky myëku'uk namëtsip'ajtëp ënety, e yë tyeety je'eyë tmëmay tmëtajy tu'kë'ëyë ya'atë wiinkëma'ay.