1 Samuel 18:6 - Biblia Dc en Mixe de Quetzaltepec

⁶ Ko ja tsiptuunpë ojts wyimpijtaaynyëtë ma ja David ënety të tyaj'ookyën ja filistejë ja'ay, ënät ja to'oxy'ëna'këty tsyo'ontaaytyë jam kajpntum ets tnimiintë ja Saúl ets twin'äjtstë, mëët ja xuxn wojpn tam mëti'ipë yaj'ënäämpyën yë xijn ets kä'tsn.

Biblia Mixe de Quetzaltepec

⁶ Ko ja tsiptuunpë ojts wyimpijtaaynyëtë ma ja David ënäty të tyaj'ookyën ja filistejë ja'ay, ënät ja to'oxy'ëna'këty tsyo'ontaaytyë jam kajpntum ets tnimiintë ja Saúl ets twin'äjtstë, mëët ja xuxn wojpn tam mëti'ipë yaj'ënäämpyën yë xijn ets kä'tsn.

1 Samuel 18:6 ပူးပေါင်းရင်းမြစ်များ

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

2 Samuel 6:5

E ja David ets tëkokyë ja Israel ja'ayëty äjtstëp xoontaktëp nyëjkxtë amëjaaw Wintsën wintum, jam ix'am mëët ja xuxpë wojpë.

Salmos 149:3

Mmëjpëjkta'aktë yë xyëëw mëët yë ety tëki'ixy, ëwtë ya'axtë yë ëy, tukpa'ëna'antë yë xijn ets kow,

Salmos 68:11

Ojts yë Dios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Salmos 68:25

Mëti'ipë ëëwtëpën jëyëjp nyëjkxtë, e mëti'ipë xuxtëpën koowtëpën ix'am ye'eytyë, itkujky yë'ë nëjkxtëp yë to'oxy'ëna'këty mëti'ipë yaj'ënantëpën yë xijtn.

Éxodo 15:20

Ënet ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

Éxodo 15:21

Tä ja Maria ojts t'ëy ya'atë ëy: Win'ëw winya'axtë yë Dios ets mëjjaw kënu'kxyjyawëtë. Jä'ä ko yë'ë jëtu'un të myëtä'äky mëjwiin këjää, ko të tyajkiinta'ay ja këwaayëty, mëët tu'kë'ëyë ja nyija'ay mëti'ipë tuk'ënyääyëpën.

Isaías 30:32

Ko ënety ja Wintsën tjëwojpë'ëky ja Asiria, nëjkxëp ja ja'ay y'ëwtë kyowtë. Yë Wintsën yë'ë nyipëtë'ëkäämpy ja Asiria kajpn ets mëët tsyiptuna'any.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

1 Samuel 18:5

Tëkokyë mëti'ipë yë David tuk'ënä'ämëpën yë Saúl tyuuntääpy ijty, paaty pyëjktakë ets yë'ë twinye'eyëty ja tsiptuunpëtëjk mëti'ipë tsiptuunpë nëjkxtëpën. Ja tsiptuunpëtëjkëty ets tsiptuunpë wintsënëty oy tja'awëtyë ko ja David jä'ä tyu'uwinye'ey.