1 Samuel 18:27 - Biblia Dc en Mixe de Quetzaltepec

²⁷ Ko ja David tsyo'ony mëët ja tsyiptuunpëtëjk, jä'ä ojts tyaj'ooky nimäjtsk mëko'px ja filistejë ja'ayëty, tä ojts tnëtsujktaayë ja ye'etyëjk'ajtënëty. Jëtu'un'äämpy ja Saúl ojts tyajknë ja nyëëx mëti'ipë xyëëwajtypyën Mical ets tmooynyë ja David ets to'oxytyëjk'atëty.

Biblia Mixe de Quetzaltepec

²⁷ Ko ja David tsyo'ony mëët ja tsyiptuunpëtëjk, jä'ä ojts tyaj'ooky nimäjtsk mëko'px ja filistejë ja'ayëty, tä ojts tnëtsujktaayë ja ye'etyëjk'ajtënëty. Jëtu'un'äämpy ja Saúl ojts tyajknë ja nyëëx mëti'ipë xyëëwajtypyën Mical ets tmooynyë ja David ets to'oxytyëjk'atëty.

1 Samuel 18:27 ပူးပေါင်းရင်းမြစ်များ

2 Samuel 3:14

Ojts näjyëtu'un yë David tkäjpxynyikexy yë Is-boset ets t'ënëmaay: Is-boset, mooykyës yë nto'oxytyëjk Mical, mëti'ipës nitsiptuunën maas nyaj'okyën nimëko'px yë filistejë ja'ay ets nmëmiinyës tu'ktsukyjäty ja ye'etyëjk'ajtënëty.

1 Samuel 18:13

Paatykyëjxm ojts jam timjëkexy ma ja kyutujktaknën ets tpëjktäky tsiptuunpë Wintsën, winjëpom ijty tsyoontë jya'të.

Jueces 14:19

Ënet ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënety myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

1 Samuel 14:49

Yë y'u'unk y'ëna'k yë Saúl jä'ä xyëëwajtë: Jonatán, Isví ets Malquisúa. Ëpëky nimäjtsk ja nyëëx mëti'ipë xyëëwajtëpën: Merab ja mëjpë ets ja mutskpë mëti'ipë yajtijpën Mical.

1 Samuel 18:17

Ënet ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënety myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

1 Samuel 18:28

E ja Saúl y'ijx ko ja Wintsën pyutëjkëp ja David oyjyëna'ajëty ets oymyaajëty, ojts näjyëtu'un ja nyëëx Mical mëk tsoky tjawë ja David.

1 Samuel 25:44

Yë Saúl tëë ënety ja nyëëx Mical tkë'ëyäky ma Palti ets yë'ë to'oxytyëjk'atëty, yë Palti yë'ë myaank yë Lais jampë kyukajpnëtyën Galím.

2 Samuel 3:13

Tä ja David y'ëtsoowë: Ëjts ka'apës wi'ix n'ëna'any oy jyëtu'un'atëty: Je'eyëp tëy ko yë'ëjës nikajpxäämpy ko ënety yaa jatëkok mijts xynyiminyës, këtii jëtu'unyë minëty, myajminëp yë Mical, yë Saúl yë nyëëx.