1 Samuel 18:25 - Biblia Dc en Mixe de Quetzaltepec

²⁵ Saúl jä'ä ënety wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

Biblia Mixe de Quetzaltepec

²⁵ Saúl jä'ä ënäty wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

1 Samuel 18:25 ပူးပေါင်းရင်းမြစ်များ

Génesis 29:18

E yë Jacob yë'ë ënety oy tsyojkën'ajtyp yë Raquel, paaty y'ëtsooy: Yë mnëëx Raquel yë mutskpë yë'ëjës nitunäämpy wëxtujk jëmëjt ma mijtsën.

Génesis 34:12

Oy jëtu'un kyayajtukjuuky'äty, e ëjts ënaanpës jëtu'un nyaka'any, nyakëpës näjyëtu'un näynyamo'ojë ma miitsëtyën, ko xy'a'ixëtëty ets npëkëtyës n'uukëtyës mëët yë kiixy.

2 Samuel 3:14

Ojts näjyëtu'un yë David tkäjpxynyikexy yë Is-boset ets t'ënëmaay: Is-boset, mooykyës yë nto'oxytyëjk Mical, mëti'ipës nitsiptuunën maas nyaj'okyën nimëko'px yë filistejë ja'ay ets nmëmiinyës tu'ktsukyjäty ja ye'etyëjk'ajtënëty.

Josue 5:3

Tä ja Josué ja tsujkn tjanty'oytyuuny ets ojts tnatsujk'ëwtijta'ay ja ye'etyëjk'ajtënëty ja ye'etyëjktëjk jam ma ja Aralot kopkën.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 18:17

Ënet ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënety myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

1 Samuel 18:24

Tä ja Saúl nyimiinëtë ja tyuunpë ets tyukmëmëtyakëtë wi'ix ënety ja David të y'ëtsoyën.

1 Samuel 19:1

Ënet ja Saúl ojts mëktä'äky tuk'ëne'emy ja myaank Jonatán ets ja tsyiptuunpë wintsëntëjk ets tyaj'ooktëty ja David. E yë Jonatán mëj këjää ënety tsoky tjawë yë David.