1 Samuel 18:17 - Biblia Dc en Mixe de Quetzaltepec

¹⁷ Ënet ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënety myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

Biblia Mixe de Quetzaltepec

¹⁷ Ënät ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënäty myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

1 Samuel 18:17 ပူးပေါင်းရင်းမြစ်များ

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.

1 Samuel 18:25

Saúl jä'ä ënety wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

1 Samuel 17:25

ets y'ënantë: ¿Tëë xy'ixtë tääpë ja'ay të pyëtsimyënë? Xëmë jëtu'un tyajjoot'anpëky yë Israel ja'ayëty. Pën näy'a'ijxëyëp tsyiptunëty mëët ets pën yaj'o'kpy tääpë ja'ay xëmë pyëtsimyën winjëpom, yë yajkutujkpë mëj nëjkx myo'oyë wit meeny, nëjkxëp myo'oyë tu'uk ja nyëëx ets yë'ë to'oxytyëjk'atëty ets ja tyeety tyaak ja ja'ay ka'ap nëjkx ja y'ayajk y'ako'onën t'ëkyajknë.

1 Samuel 18:21

Jä'ä ko tyaa myääy tyäjy ko oy ko jä'ä tmo'ojëty ja nyëëx ja David ets yë'ë to'oxytyëjk'atëty. Mëët yë'ëkyëjxm tjëkyäpëty yë filistejë ja'ayëty yaj'ookëtëty. Ënet ja Saúl jatëkok t'ënëmaay ja David: Tyam tëynyë ntsojkpyës ets mijts nmë't'atëty.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.

Salmos 55:21

Janty oy yajmëtoy kyajpxtë myëtya'aktë, ets tsojk xytyukmëpëjkmëty jyot wyinma'anyëty, ëk'ix yë on ko tii ntukniku'tsmëty. Yi'iyë myëmaay myëtajtëp tsip. Janty xu'kx yajjawë ja y'aaw y'ayukëty jëtu'un tä tojkxën ontsa'aypyë, e nëkoopë tyajmëtowëtë, jä'ä ko yë'ëjëty yë'ë nyipëjktakëtyëp wi'ix m'ëyo'onpaatëty.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.

2 Samuel 11:15

Ja noky jëtu'un y'ënä'äny: Yë'ë pëjkta'ak yë Urías jëwyiin ets jam xynyaskäxëty ma ni'ik ja tsip myëkëtyën, jamts atu'uk xyajwë'ëmtëty ets mëtsip yaj'ookëtëty.

Deuteronomio 17:7

Mëti'ipë ënety ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

1 Samuel 14:49

Yë y'u'unk y'ëna'k yë Saúl jä'ä xyëëwajtë: Jonatán, Isví ets Malquisúa. Ëpëky nimäjtsk ja nyëëx mëti'ipë xyëëwajtëpën: Merab ja mëjpë ets ja mutskpë mëti'ipë yajtijpën Mical.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 18:27

Ko ja David tsyo'ony mëët ja tsyiptuunpëtëjk, jä'ä ojts tyaj'ooky nimäjtsk mëko'px ja filistejë ja'ayëty, tä ojts tnëtsujktaayë ja ye'etyëjk'ajtënëty. Jëtu'un'äämpy ja Saúl ojts tyajknë ja nyëëx mëti'ipë xyëëwajtypyën Mical ets tmooynyë ja David ets to'oxytyëjk'atëty.

1 Samuel 30:26

Ko ja David jyä'äjty jam Siclag, ënät ja myëku'uktëjk tuknikejxy ja näynyamo'ojë, ja mëjja'aytyëjkëty jampë yajpaatën ma Judá kajpnën, mëët ya'atë ja aaw ayuk: Jëëkyëty mëku'ukëty, tyaa ya'atë wäänë nmo'otë nkäxtë mëti'ipës të npëjkëtën ja Wintsën ja myëtsip.

2 Samuel 6:16

Ko jam jyä'äjty ja Wintsën ja kyaaxë ma ja David ja kyajpnën, ja David ja tyo'oxytyëjk mëti'ipë xyëëwajtypyën Mical, ënät ojts y'ijxwoony ma ja tyëjkën; ko t'ijxy ja David jyänty y'etsy jyänty pyuty jam Wintsën wyintum, yë Mical wiink ojts t'ixy.

Proverbios 26:24

Mëti'ipë ëxëëk'ijxpën, ka'ap tyajmëtoyë ko myëtyä'äky, e jap ma jyot wyinma'anyën ëxëëk jap winë tmëmay tmëtajy.

Proverbios 26:25

Këtii xymyëpëkëty ko ëxëëk ja'ay janty'oy mmëmëtya'akëtëty, jap ma jyot wyinma'anyën ujts jap mëët yë ëxëëkajtën.

Proverbios 26:26

Yë ëxëëk ja'ay oy jënu'un tjayu'uty ja y'ëxëëkjot y'ëxëëk winma'any, kwanë ko ja'ay nijawëtëty.