1 Samuel 18:10 - Biblia Dc en Mixe de Quetzaltepec

¹⁰ Komjëpom ja Saúl ojts tyukëtä'äkyë ja ëxëëk poj mëti'ipë yë Dios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënety jam tä xëmë kyoyën. E ja Saúl tam ja kyu'umën tkë'ëkap'aty,

Biblia Mixe de Quetzaltepec

¹⁰ Komjëpom ja Saúl ojts tyukëtä'äkyë ja ëxëëk poj mëti'ipë yë Tios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënäty jam tä xëmë kyoyën. E ja Saúl tam ja kyu'umën tkë'ëkap'aty,

1 Samuel 18:10 ပူးပေါင်းရင်းမြစ်များ

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

1 Reyes 22:12

Aakjëtu'un ja Wintsën ja myëtuunpëtëjkëty y'ënaanta'atë. Tä t'ënëmaaytyë ja yajkutujkpë: Nipëtë'ëk yë Ramot, jampë yajpaatyën ma Galaad y'itjotmën, tëë yajnijawë ko mijts mëtakaanp, yë Wintsën kë'ëm të timy yajkutuky ko mijts tääpë kajpn xyjyä'ä'atëty.

Jeremias 28:11

Tyam tuktëjë tyam y'ënä'äny ma ja mayjyä'äyën: Jëtu'un yë Wintsën y'ënä'äny: Jëtu'un jyata'any kyëpäta'any ja mäjtsk jëmëjt, ntuktëjëtya'ajäämpyës ja tejpxy ma ja naax kajpnëtyën mëti'ipë ja Babilonyë yajkutujkpë të tsumy të tmatsyën ets ntuktëjëtya'aja'anyës ja kyutujkën tä yajtuktëjën yë tsajpkaakukë'ë. Ets ja Jeremías tim tso'on jam ënätyë.

Hechos 16:16

Tëkok ojts jyäty kyëpety, jamës ënety nnëjkxtë ma ja ja'ay ja Dios tja'amyätstën, täätsës mpatë tu'uk ja to'oxy'ëna'k mëti'ipë ja ku'oypyë myëët'ajtypyën, ets tyuknajtsjawëty mëti'ipë tunan jatanëpën. Ëne'emy ijty y'ity; yajxon ja wyintsën myeenypyääty mëti'ipë ënä'ämëpën.

2 Tesalonicenses 2:11

Paaty ja Dios të t'ëwa'atsy ets yajwin'ëëntëty mëët ja tëko'oyën ets yë'ë tmëpëktëty ja ka'apë tyiyëtyën,

Jueces 16:20

Tääts ja Dalila mëk jyänty yujk'ënany: Sansón, yë filistejë ja'ay majtsëp. Yë Sansón ënätyë ojts jyawijnë jëtu'un tjëjp'ixy jatëkok nyäyajtso'oka'anyë tä ënety të y'ëktsokpën, e ja Wintsën tëë ënety nya'ëxmajtsënë.

1 Samuel 16:23

E paaty ko ënety yë Saúl tyukminyë yë ëxëëk poj mëti'ipë yë Wintsën kyejxypyën ets tyëkë kuma'ay kutajëpë, David ënätyë ijty ja kyow tkëëyi'iky ets tyëkë koowpë. Ko ja Saúl ijty jëtu'un tmëtoy, tääts jatëkok jyotkujkë ets y'ëxmatsyë ja ëxëëk poj.

1 Samuel 18:9

Jä'ä xëëw tsyo'ontäky ma ja Saúl t'ëxëëk'ijxyën ja David.

1 Samuel 19:10

ko ojts jatëkok tjamëjkuumpätankojnëpë ja David jam potsywinm. E ja David jä'ä tsu'um kyeky.

1 Samuel 19:7

Ënet ojts ja Jonatán tmëkäjpxy ja David ets tukmëmëtyäky wi'ix ënety të myëtya'aktën. Tä ojts twoownëjkxy ma ja Saúl jam yajpaatyën ets ja David ojts jam jatëkok wyi'imy tuunpë ma ja Saúl jam yajkutukyën.

1 Samuel 19:9

Ënet ja Saúl ojts jatëkok tyukja'tyë ja ëxëëk poj mëti'ipë ja Wintsën kë'ëm kyäjxën, e tamts ënety y'u'unyë ma ja kyutujktaknën mëët ja kyu'umën, e ja David koop ënety jam,

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.