1 Samuel 17:45 - Biblia Dc en Mixe de Quetzaltepec

⁴⁵ Ja David tyaa ojts y'ëtsoy: Mijts jä'äs xynyiminy mëët yë mpujxn, mku'umën ets tëypyujxn. E ëjts mijts ninëjkxy mëët yë Wintsën yë xyëëw mëti'ipë yë Israel tsiptuunpëty Tyios'ajtëpën, mëti'ipë mijts je'eyë xëmë nkajpxjoot'anpëjkpyën.

Biblia Mixe de Quetzaltepec

⁴⁵ Ja David tyaa ojts y'ëtsoy: Mijts jä'äs xynyiminy mëët yë mpujxn, mku'umën ets tëypyujxn. E ëjts mijts ninëjkxy mëët yë Wintsën yë xyëëw mëti'ipë yë Israel tsiptuunpëty Tyios'ajtëpën, mëti'ipë mijts je'eyë xëmë nkajpxjoot'anpëjkpyën.

1 Samuel 17:45 ပူးပေါင်းရင်းမြစ်များ

2 Crónicas 14:10

Ënet ja Asá mëët ja jyä'äy tsyo'ontë tsiptuunpë, jam nyäpyëjktakëtë joyjotm ma txëëwatyën Sefata, winkon ma ja Maresá.

2 Crónicas 32:8

Yë'ëjëty yi'iyë tyukjotmëk'ajtëp ko nyimay'atë, ëëts'ajtëmë yë'ë ntukjotkujk'ajtëm yë Wintsën, jä'ä ko yë'ë xypyutëkëja'anëmë ko pën mëët ntsiptu'unmëty. Ko ja ja'ay jëtu'un tmëtoowtë ja aaw ayuk tkäjpxy ja yajkutujkpë Ezequías, ënät jyotmëkpëjktë.

Salmos 124:8

Yë nputëjkën'ajtëm jam tsyoony ma Wintsënën mëti'ipë yajkojën yë tsajp ets naaxwiinyëtë.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 20:8

Yë'ëjëty, wäänë muum tyä'äntsi'ita'antë tääts y'ojtskëta'aka'antë, e ëëtsajtëm ta'tspëky ntänëja'anëmë.

Salmos 3:8

Mijts Wintsën mijts myajtsokp; kënu'kx yë mnaax mkajpn.

Salmos 44:6

Jä'ä ko ka'apës mëpaat yë'ë tu'ukyë ntukjotkujk'aty yë ti'pxn mëti'ipë yajmëtsiptuunpën, ëkë tëypyujxn mëti'ipës jeexyë xyajmëtakpën;

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Isaías 37:28

Wa'atsës nijawë tiijaty mtuunpyën ets tiijaty mtuknipëjktakëpën; wa'atsës nijawë koos mijts të xytyukjoot'anpëky.

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

1 Samuel 17:10

Ya'atë xëëw yam miitsëty nkajpx'aanpëktë, miitsëty tsiptuunpëtëjkëty mëti'ipë Israel ja'ayëtyën: Mooytyëkës tu'uk ja'ay wä'änës mëët n'ëktsiptuny.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:6

Näyjyëtu'un mëti'ipë nätyuk'ëtujkëpën pyuuykijxy yë'ë pujxn ets ja kyu'umën mëti'ipë jam kyejkyijxy myënëjkxypyën.