1 Samuel 17:34 - Biblia Dc en Mixe de Quetzaltepec

³⁴ Tä ja David y'ëtsooy: Koos yë nteety yë tsyajppax ets kyupixyny nkëwent'ajtës ets tu'uk myiny yë kaa ëkë osë ets tmatsy ja kupixyny,

Biblia Mixe de Quetzaltepec

³⁴ Tä ja David y'ëtsooy: Koos yë nteety yë tsyajppax ets kyupixyny nkëwent'ajtës ets tu'uk myiny yë kaa ëkë osë ets tmatsy ja kupixyny,

1 Samuel 17:34 ပူးပေါင်းရင်းမြစ်များ

Génesis 31:39

Nijëna'a mijts yë mjëyujk ooky të nkatukwinkuwitsë mëti'ipë yaj'o'këtëpën kaa jëyujk; ko ijty jyëtu'un'aty ënetyës ijty xytyimnatukujuy ko tu'uk muum pyutëkoy ets ko ijty xëëny ëkë koots pën tmeetsy.

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

2 Samuel 23:20

Benaías, yë myaank yë Joiadá, jampë kyukajpnëtyën Cabseel, nän jotkmëk ja'ay ojts y'ity; ojts kanaak'ok tyajwinkëxë'ëky ja jyotmëk'ajtën. Yë'ë ojts tyaj'ooky nimäjtsk ja myaank ja Ariel, jampë kyukajpn'atën Moab. Tëkok, ojts tyaj'ooky tu'uk yë kaa jap jutjoty, mëk ënety yajxon wyintuky.

1 Crónicas 11:22

Benaías, yë myaank yë Joiadá, jampë kyukajpnëtyën Cabseel, jotmëk ijty, ojts winë tuny kutsë'ëkëtypë. Yë'ë yaj'o'k nimäjtsk ja Ariel ja myaank jampë tsyoontën Moab. Ets tëkok ojts tyaj'ooky jap jutjoty tu'uk yë mëj kaa, pu'tskaa, yajxon ënety tyitykyëty ets wiinkëm ënety tip kya'anë.

Salmos 143:5

Nja'amyejtsypës wi'ix ijty tëëyëpën, nmëmääpy nmëtäjpyës wi'ix ojts winë xytyunyën.

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.

Amós 3:12

Jëtu'un yë Wintsën y'ënä'äny: Jëtu'un tä tu'uk yë kupixyny këwent'ajtpë tuk'aju'tu'utyën yë kaa ko ënety të tmatsy yë kupixyny jam ma kyë'ëjën ëkë ma tyekyën ëkë ma tyatskën, jëtu'un yë Israel ja'ayëty kyä'äka'antë jam Samaria mëti'ipë jam tsënaaytyëpën; yi'iyë nëjkx tjaakmëkä'äktë myaapäjnety ets tu'ktëjyën yë y'ënyääypyäjn.

Zacarías 11:16

Jä'ä ko npëjkta'akäämpyës tu'uk yë kupixyny këwent'ajtpë mëti'ipë nëjkx tyaj'aye'ewya'kxta'ayën yë kupixyny, ka'ap nëjkx oykyëwent'aty. Mëti'ipë ënety tëkoopyën ka'ap t'ixta'aja'any ets mëti'ipë ënety të tsyëtyutyën ka'ap tyajtsooypyäta'any, ets ka'ap tyajë'kxa'any mëti'ipë ënety ja yuu'o'këpën, ni'ikyë nëjkx tyaj'ooky ja ni'kxatypë ets nëjkx tsyu'utsy kyäy, yë'ëpaat nëjkx ja kupixyny ja tyekyxyooky tsu'tsënë.

Zacarías 9:7

Ntuk'awo'ontu'utäämpyës ja tsu'utsy ne'pnymyëëtpë ets tyëtsjoty nëjkx nwo'onpëtsëëmës ja jë'kxy mëti'ipë mëpaat ka'ap yajjë'kxyën. Je'eyëp ko nëjkxëp jam yë ja'ay yajpaatë mëti'ipës oy xymyëtuntëpën ets nëjkx jyuuky'atë mëët yë Judá ja'ayëty; yë Ecrón ja'ayëty jëtu'un nëjkx jyuuky'atë tä Jebús ja'ayëtyën.

Lucas 2:8

Jam kajpnpë'am ënety ja ja'ay tkëwent'atë ja kyupixynyëty.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Romanos 5:4

Ko mëk nyajpatmëty ma mëpëjkënën, yë'ë xyajnaxa'anëm oy, ets ko ntuknajxmëty ja tsipë jotkujk näjya'awëmëty.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

Apocalipsis 13:2

Ya'atë jëyujk mëti'ipës n'ijxën, jëtu'un kyëxë'ëky ijxtëm yë kuuyxyëpëjyën. Jëtu'un ja tyeky ijxtëm ja osë tekyën ets ja y'aaw ijxtëm ja kaa aawën. Ja mëj tsa'any ojts myo'oyë ja mëk'ajtën, ënä'ämtakn ets ja mëjkutujkën.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

1 Samuel 17:15

je'eyë nëjkx jam kyääky yäky ma ja Saúl ja ja'ajtakn jam tmëët'atën mëët ja tsyiptuunpëtëjk. Ja David ënätyë ijty wyimpijtkojnë jam Belén ets ja tyeety ja tsyajppax ets ja kyupixyny tkëwent'ajtë.

1 Samuel 17:33

Jëtu'un ja ijty, je'eyëp ko ka'ap tjëkyepy atu'uk xywyinkuwa'akëty tääpë filistejë ja'ay, jëtu'un y'ëtsooy yë Saúl, ix mijts ëmuumnën mutskëty, e yë'ë tsiptuunk të tukjuuky'äty.

1 Samuel 17:35

ënetyës npatsoony ets y'awakëjxyës kë'ëm ntimpyëjkë ja mëti'ipë të tjamatsyën, e koos xyjyanipëtë'ëky poj'amës ja y'aaw ënätyë ntukxajëyë etsës ntuknaaxwopy täätsës nyaj'ooky.