1 Samuel 17:32 - Biblia Dc en Mixe de Quetzaltepec

³² Ënet ja David ojts t'ënëëmë ja Saúl: Ka'ap mëpaat pën jyotëkatsy wyinmaaytyëkatsy mëët tääpë filistejë ja'ay, jä'ä ko ëjts, mëti'ipë mijts mëtuunëpën, nëjkxaanpës etsës ntsiptuna'any mëët yë'ë.

Biblia Mixe de Quetzaltepec

³² Ënät ja David ojts t'ënëëmë ja Saúl: Ka'ap mëpaat pën jyotëkatsy wyinmaaytyëkatsy mëët tääpë filistejë ja'ay, jä'ä ko ëjts, mëti'ipë mijts mëtuunëpën, nëjkxaanpës etsës ntsiptuna'any mëët yë'ë.

1 Samuel 17:32 ပူးပေါင်းရင်းမြစ်များ

Salmos 3:6

Ka'apës ja'ay xy'ëtsë'ëkëty oy jënu'un nyimayëty, mëti'ipës të xyajnatuktën etsës xynyipëtë'ëka'antë.

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Hebreos 12:12

Paaty miitsëty, yajjotmëkpëktë ja mkë'ë m'aawëty tëëpë y'ënu'kxën ets ja mkë'ë mtekyëty tëëpë xyuxyën;

Josue 14:12

Paaty yam mijts n'ënëëmë, etsës xymyo'ojëty ja kopkjot mëti'ipës ja Wintsën ojts xytyukwinwanën. Mijts mnija'ap wa'ats ko yë'ë jam tsënaaytyëp yë Anac pajkyeny yë y'u'unk y'ok ets nyaax kyajpnëty ta'tspëky nyapotsy'atë. Yë Wintsën yë'ëtsës xypyutëkëp etsës jam ntëkëty, etsës n'ëxwojpta'ajëty yë ja'ay jampë tsyëënëtën, jëtu'un tä yë'ë të y'ëne'emyën.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 17:31

E ja ja'ayëty mëti'ipë myëtoowtën ko ja David jëtu'un tyajtëy, ënät ojts tuk'ëwaanëtë ja Saúl. Tä ja Saúl tyaxëy ja David ets tmëjwooy.