1 Samuel 17:11 - Biblia Dc en Mixe de Quetzaltepec

¹¹ Ko ja Saúl ets ja Israel ja'ayëty jëtu'un tmëtoowtë y'ënä'äny ja filistejë ja'ay, ojts ja jotmay tyuktëjkëtya'ajëtë ets ja tsë'ëkë näjyëtu'un.

Biblia Mixe de Quetzaltepec

¹¹ Ko ja Saúl ets ja Israel ja'ayëty jëtu'un tmëtoowtë y'ënä'äny ja filistejë ja'ay, ojts ja jotmay tyuktëjkëtya'ajëtë ets ja tsë'ëkë näjyëtu'un.

1 Samuel 17:11 ပူးပေါင်းရင်းမြစ်များ

Salmos 118:6

Yë Wintsën yë'ëjës xymyëët'ajtp, paatyës ka'ap ntsë'ëkë njawë. ¿Wi'ixës yë naaxwiinyëtë ja'ay xynyatunëty?

Salmos 27:1

Yë Wintsën, yë'ëjës xykyutë'kxp xykyujajp ets yë'ëjës xyajnitsokp, ¿pënës n'ëktsë'ëkëp? Yë Wintsën yë'ëjës yë njuukyajtën kyuwäämpy. ¿Ti ko ntsë'ëkëtyës?

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Deuteronomio 31:8

Yë Wintsën yë'ë kë'ëm mtu'unwinye'eyanëp ets yë'ë mjämyëët'atanëp. Nijëna'a mka'ëxmatsa'anyë ets mkayajwë'ëma'anyë atu'uk. Paaty këtii ninu'un mmayëty mtajëty ets këtii mtsë'ëkëty mjawëty.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

1 Samuel 13:7

Nimay ojts tuknajxnëtë ja Jordán nëë ets jamtsow nyajtskäkëtyë ma ja Gad ets Galaad y'itjotmën. Yë Saúl ojts jyaak wë'ëmy jam Guilgal, e tëë ënety tyëkooynyëtë, ja tsyiptuunpëtëjk tsë'ëkë tsë'ëkë jyaak pänëjkxëtë.

1 Samuel 17:10

Ya'atë xëëw yam miitsëty nkajpx'aanpëktë, miitsëty tsiptuunpëtëjkëty mëti'ipë Israel ja'ayëtyën: Mooytyëkës tu'uk ja'ay wä'änës mëët n'ëktsiptuny.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.

1 Samuel 21:13

Paatykyëjxm ja David ojts nyäpyëjktä'äkyë kutsuu kupoj yowë, xii yaa muum kyëxtsujy ets ja y'anëë tsyuny xye'kxy.

1 Samuel 7:7

E ko yë filistejë ja'ayëty nija'awëtyë ko yë Israel ja'ayëty tëë ënety jam tyu'ukmuktë Mizpá, ënät tnitso'ontë ja Israel ja'ayëty. Jä'ä ojts tyoontë mëti'ipë nyikopk'ajtëpën ja naax kajpn, e ko ja Israel ja'ayëty jëtu'un tnija'awëtyë mëk ojts tsyë'ëkëtë.