1 Samuel 16:7 - Biblia Dc en Mixe de Quetzaltepec

⁷ Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

Biblia Mixe de Quetzaltepec

⁷ Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

1 Samuel 16:7 ပူးပေါင်းရင်းမြစ်များ

Génesis 4:5

e yë Caín jyä'ä ka'ap ojts oy t'ijxë, ënät yë Caín yajxon jyoot'anpëjky ets tyajma'taay ja wyiin jyëjp.

2 Samuel 14:25

Ma tëkokyë yë Israel kajpn tnitänën, ka'ap ënety maa ja'ay jëtu'unpë y'oyëty tsyujëty tä yë Absalonkën ets jëtu'unpë akäjpxy y'ityën tä yë'ëjën ka'ap nitii ma'at yaj'ixy, tsyo'ontä'äky ma tyekyën ets jyëjpkëxy ma kyëpajkën.

2 Samuel 7:20

¿Wi'ix mijts njaak'ënëëmëty? Mijts wa'ats xy'ixy xynyijawë ja njot nwinma'anyës.

1 Reyes 8:39

mmëtowëp jam tsajpjotm ma myajpaatyën. Mpokymyä'kxëp ets mijts nipaye'ey ja ja'ay nitu'ukjaty wi'ixëty pyaatëtën, jä'ä ko mijtsyë jëtu'un tu'ukyë mnija'ap wi'ixjaty ja amay jotmay yajmëëtëtyën ets wi'ixjaty ja ja'ay myäy tyajtën.

1 Crónicas 17:18

¿Ëjts tii ayukës n'ëkjaakpaatëp, mëët mëti'ipë ja mtuunpë mmoopyën mëjwiin këjää, mijts wa'ats xynyijawë wi'ix ya'atë mtuunpë yajpaatyën?

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Job 10:4

¿Wä'än jëtää mijts jëtu'un winë xy'ixy tä yë naaxwiinyëtë ja'ay winë t'ixtënë?

Job 35:5

Ëkpa'at'ix jam tsajpjotm ets ëk'ix wi'ix kyëjxmëtyën yë tsajp.

Salmos 139:2

Wa'ats xynyijawë tiijës ntuunpy nkäjpxypën, ets jëkämpaat xynyijawë wi'ixës nmay ntajyën.

Salmos 7:9

Wintsën mëtëypyë nyipaye'eyën, mëti'ipë y'ijxypyën ja jot winma'any ets ja jot ja'awën këkpaat. Mijts myajkëx myajnaxëp ja y'ëxëëktu'unën ja ëxëëkja'aytyëjkëty, e ja ja'ay mëti'ipë mëtëy winë tyuunpyën jotmëk xyaj'itëty.

Proverbios 15:11

Yë Dios nyija'ap jëna'a jyää'aty o'kën tëko'oyën; ets jëna'a o'kpë nyaaxtëkë. Paatykyëjxm näjyëtu'un wa'ats nnijawë yë naaxwiinyëtë ja'ay jyot wyinma'any.

Proverbios 16:2

Yë ja'ay jëtu'un nyäjyawëty aak'oy winë tuny, Dios yë'ë y'ijxtääpy wi'ixjaty ja'ay tii tunyën.

Proverbios 24:12

Jä'ä ko oy mja'ënaanpëty ko ka'ap xynyijawë; ja Dios mëti'ipë winë y'ijxypyën ets nyipaye'epyën winë, wa'ats ja t'ixy tnijawë ets tyukëpäjta'ajäämpy ja ja'ay nitu'ukjaty wi'ixjaty tii të tunyën.

Proverbios 31:30

Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Dios, patëp yajmëjpëjkta'akëty.

Jeremias 11:20

E mijts Wintsën mëti'ipë maaytyääyëpën winë, jëtu'un m'ity tä tu'uk yë kutuunkën mëti'ipë tii nyipaye'epyën, wa'ats xy'ixy xynyijawë yë naaxwiinyëtë ja'ay. Xytyuk'ixëpës ko ënety tääpë ja'ay xytyiytyuny, mkë'ëjotmës të npëjktä'äky yë n'amay njotmayës.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Jeremias 20:12

Wintsën mëti'ipë maaytyääyëpën winë, mëti'ipë mëtëy tii nyipaye'epyën, mëti'ipë tyuk'ijxnajxypyën ja'ay jyot wyinma'any, tuk'ijxkës wi'ix xytyiytyunyën tääpë ja'ayëty, jä'ä ko mijts ntuk'ijxpejtyp ets mëtëy xynyipaye'eyëtyës.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Juan 7:24

Ka'ap tii nitsuu nipoj xypyaye'eytyëty. Mëtëy winë xypyaye'eytyëty.

Juan 8:15

Jëtu'un miits winë xypyaye'eytyë ijxtëm tii kyëxë'ëkyën. Ëjts ka'apës pën npaye'ey.

Hechos 1:24

Tääts ja Dios tja'amyäjtstë: Wintsën, mijts mnija'ap wi'ixjaty ja ja'ay tu'uktu'uk ja jyot wyinma'anyën. Tyam ya'atë ja'ayëty nimäjtsk, tuk'ijxtëkës pën mijts mwin'ixyp.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 10:7

Miits yi'iyë m'ijxtëp mtuntëp wi'ix tii nyikëxë'ëkyën. Pën ënaanp ko ja Kristë jä'ä'ajtëp, wa'ats tnijawëty koos näjyëtu'un ja Kristë xyjyä'ä'atë.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

1 Pedro 3:4

yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Dios yajtsowpatyp.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.

1 Samuel 9:2

Tam ijty tu'uk yë myaank pi'k ëna'kpë ets janty'oy yaj'ixy, jä'ä txëëwaty Saúl. Ni pën ënety jam Israel jëtu'un janty'oy kyakëxë'ëky tä yë'ëjën, janty yeny ijty tyänë ni pën t'ëwtajnëty.