1 Samuel 16:4 - Biblia Dc en Mixe de Quetzaltepec

⁴ Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Biblia Mixe de Quetzaltepec

⁴ Samuel ojts tjantytyuny tä ënäty ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

1 Samuel 16:4 ပူးပေါင်းရင်းမြစ်များ

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

Génesis 48:7

Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënety ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.

2 Samuel 6:9

Ko jëtu'un tyuunë jyajtë David ojts ja tsë'ëkë tyuktëkëty jä'ä xëëw, mëët ja Wintsën, paaty mëk'äämpy ojts y'ënä'äny: Ëjts tyamës yajxon nnikäjpxy, ko ya'atë kaaxë ka'apës maa nmënëjkxa'any.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Reyes 2:13

Ënet ojts ja Adonías, yë Haguit yë myaank, tëkok tninëjkxy ja Betsabé, yë Salomón yë tyaak ets ja Betsabé tyajtëëy ja Adonías: ¿Oy ja jot winma'any xymyëminyë? Jëtu'un, oy; jëtu'un y'ëtsooy ja Adonías.

2 Reyes 9:22

Ko ja Joram t'ijxy ja Jehú, tä t'ënëmaay: ¿Wi'ix Jehú oypyë myajmiinpyë, ëkë mtsiptunaanpë? Tä ja Jehú y'ëtsooy: ¿Wi'ix yjyää'atëty ja jotkujk'ajtën, pën mijts yë mtaak, Jezabel, je'eyëm tuun'ëtë'ëtsy ja ëxëëkpë, ma ja wiink tios t'ëwtatyën ets ma ja myëku'uk tpatoy tpanaxyën?

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Oseas 6:5

Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

Lucas 2:4

Paaty ja José tsyo'ony jam Nazaret, Galilea y'itjotm ets ojts nyijkx Belén, Judea y'itjotm, ma ja yajkutujkpë David ënety të myëxu'unk'atyën, jä'ä ko ja José yë'ë tyeety'ajt y'ap'ajt ja David.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Lucas 8:37

Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

1 Samuel 21:1

Yë David jam ojts nyijkxy Nob, yë'ë jam nyinëjkx ja teety mëti'ipë xyëëwajtypyën Ahimélec. E yë'ë mëj këjää tkukajpxëy ko nyipëtsëëmë ets y'ënëmaayë: ¿Wi'ix ko ënät tyam miny janty atu'kpajk ets ka'ap pën mjämyëët'atyë?