1 Samuel 16:18 - Biblia Dc en Mixe de Quetzaltepec

¹⁸ Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

Biblia Mixe de Quetzaltepec

¹⁸ Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 16:18 ပူးပေါင်းရင်းမြစ်များ

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.

Génesis 39:23

ja pujxntëjk ja nyiwintsën ka'ap ënety jyäty tyimkopkpëkyëty t'ixëty pën tëë ja José winë oy tuny. Jä'ä ko ja Wyintsën Dios yë'ë ënety mëët'ajtëp ets José aak'oy winë wyimpëtsë'ëm jyëjpëtsë'ëmxëtëty.

Génesis 39:2

Yë Dios yë'ë ënety mëët yajpaaty yë José ets José janty'oy ënety tyuny ma jam y'ityën ma ja wyintsën ja tyëjkën.

1 Samuel 10:7

Ko jëtu'un tyunëtëty jyatëtëty ma mijtsën mëti'ipës yam n'akäjpxypën, mijts kë'ëm m'ixëp tii ënety mtunäämpy, yë Wintsën yë'ë mputëkëjanëp.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

2 Samuel 17:10

Yë'ëpaat yë ja'ay mëti'ipë näjya'awëyëpën jotmëk, jëtu'unpë myëkëtyën tä tu'uk yë kaa jëyujkën; nëjkxëp ja wyinmaaytyëkatsy, jä'ä ko yë ja'ayëty nyija'awëtyëp ko yë mteety tsip'ixy ets aakjëtu'un yë tsyiptuunpëtëjk.

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

2 Samuel 14:20

E paatyën jëtu'un të wyinma'anypyääty ets ka'ap ni'ikyë ja amay jotmay jyää'atëty, mijts yajkutujkpë mëët ja mwijyajtën, wa'ats winë xynyijawë tiijaty tuunëpën jajtëpën naaxjoty kajpnjoty ijxtëm tu'uk yë Wintsën yë kyukexyën.

1 Samuel 16:17

Tä y'ënäny ja Saúl: Oy nëjkx xy'ixta'atë tu'uk ja'ay mëti'ipë tyukjajtypyën kyowëty ets xyajmintëty.

1 Samuel 16:19

Ënet yë Saúl tkejxy yë kyukäjpxy ma ja Jesé ja tyëjkën ets y'ënäny: Tuknikäjxkës yë mmaank mëti'ipë xyëëwajtypyën David, mëti'ipë yë tsajppax, kupixyny kyëwent'ajtypyën.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.

1 Samuel 16:12

Ënet ja Jesé ojts tnikäxë ja myaank, tääpë mëxy'u'unk janty'oy ënety y'ixëty. Janty tsapts ja wyiin jyëjp ets janty'oy kyëxë'ëky. Ënet ja Wintsën t'ënëmaay ja Samuel: Ya'atë jëtu'un të nwin'ixyës, paaty kënu'kx ets yë'ë y'ënä'ämëty ma Israel kajpnën.

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.