1 Samuel 16:13 - Biblia Dc en Mixe de Quetzaltepec

¹³ Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

Biblia Mixe de Quetzaltepec

¹³ Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënäty ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Samuel 16:13 ပူးပေါင်းရင်းမြစ်များ

1 Samuel 10:6

Ënet yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

Hebreos 1:9

Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

Jueces 11:29

Ënet ojts ja Jefté ja Wintsën ja myëk'ajtën tyuktëkëty ets tsyo'ony, nyijkxy jam Galaad ets jam Manasés, tukye'eyëtyääy yë Mizpá itjot, mëti'ipë yë Galaad nyitënääpyën ets jëtu'un tuknipëjktakëy wi'ix tnitëkëja'anyën ja Amón ja'ayëty ma ja nyaax kyajpnëtyën.

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

2 Reyes 9:6

Ënet ja Jehú ënätyë wyä'ätsë'ky ets japtsow ëpëky tyëjkëtyë. Ënet ja Wintsën ja myëtuunpë ojts tyukutäämë'ëkyë ja on ets y'ënëmaayë: Ja Wintsën, mëti'ipë y'ëwtajtëpën ja Israel ja'ayëty, jëtu'un y'ënä'äny: Tyam mijts nkënu'kxy ets m'ënä'äm myajkutukëty maas yë nkajpnën, yë Israel kajpn.

1 Samuel 11:6

Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

Jueces 13:25

E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Hechos 13:22

Ënet ja Dios ojts pyëjkëty ja kyutujkën ets tpëjktäky ja David yajkutujkpë, mëti'ipë nyikajpxën: Tëës npaaty ja David, Jesé y'u'unk, mëti'ipës ntukjotkëtäkpyën. Yë'ë ënät tyunëp mëti'ipës ntsojkpyën.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

1 Samuel 2:35

Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënety ëjts nwin'ijxypyën.

1 Samuel 18:12

Yë Saúl nyatsë'këp ënety wäänjaty yë David. Jä'ä ko Dios ënety putëjkëyëp xëmë, e yë Saúl ka'ap ja Dios y'ëkputëjkëyënë.

2 Samuel 2:4

Jamts ojts jya'të ja Judá ja'ay ets nikajpxpäjtë ja David ets yë'ë y'ënä'ämëty. Ojts tukmëmëtya'aktë ja David ko ja ja'ayëty mëti'ipë jam tsënaaytyëpën Jabés jam Galaad naaxjotm, yë'ë ojts tyajnaaxtëkëtë ja Saúl ja nyini'kx.

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

2 Samuel 12:7

Ënet ja Natán y'ënëmaayë: Mijts tääpë ja'ay. Jëtu'un ja Dios të y'ënä'äny mëti'ipë wyintsën'ajtypyën yë Israel kajpn: Ëjts mijts të nwin'ixy ets xynyikopk'atëty yë nnaax nkajpnës, mijts ka'ap të n'ëxmatsy ets Saúl myaj'ook myajtëkoyëtëty.

2 Samuel 23:1

Ya'atë ja aaw ayuk ojts tjaakäjpxy ja David: Yë David, myaank yë Jesé, tu'uk ja ye'etyëjk mëti'ipë ojts ja Wintsën mëj yajnaxyën, mëti'ipë ja Wintsën kë'ëm timwin'ijxën ets yajkutukëty; mëti'ipë oyëty ja ëy myä'kxën, ets oyëty ja aaw ayuk ojts tkäjpxy:

Salmos 89:20

Tëës npaaty ja ntuunpës mëti'ipë xyëëwajtypyën David, etsës të ntukënu'kxy ja kënu'kxy on ets yë'ë yajkutukëty.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënety të tpëjktsoy.

1 Crónicas 11:3

Jëtu'un'äämpy ojts tëkokyë ja mëjja'aytyëjk ets kopktëjkëty jampë yajpaatën Israel nyëjkxta'atë jam Hebrón ets mëët ja David myëtyaktë, ja David ojts ja käjpxytyu'unën tuny mëët yë'ëjëty ets yë'ë ja Wintsën ojts tukajpxpety ets yë'ë wyë'ëmëty ijxpë nija'apë. Ënet ojts tkënu'kxtë ja David ets yë'ë yajkutukëty, jëtu'un tä ënety ja Dios të tukwinwanën ja Samuel.

Salmos 89:21

Xëmës nputëkëja'any, mëët yë nmëk'ajtënës jotmëkës xëmë nyaj'ita'any.