1 Samuel 16:12 - Biblia Dc en Mixe de Quetzaltepec

¹² Ënet ja Jesé ojts tnikäxë ja myaank, tääpë mëxy'u'unk janty'oy ënety y'ixëty. Janty tsapts ja wyiin jyëjp ets janty'oy kyëxë'ëky. Ënet ja Wintsën t'ënëmaay ja Samuel: Ya'atë jëtu'un të nwin'ixyës, paaty kënu'kx ets yë'ë y'ënä'ämëty ma Israel kajpnën.

Biblia Mixe de Quetzaltepec

¹² Ënät ja Jesé ojts tnikäxë ja myaank, tääpë mëxy'u'unk janty'oy ënäty y'ixëty. Janty tsapts ja wyiin jyëjp ets janty'oy kyëxë'ëky. Ënät ja Wintsën t'ënëmaay ja Samuel: Ya'atë jëtu'un të nwin'ixyës, paaty kënu'kx ets yë'ë y'ënä'ämëty ma Israel kajpnën.

1 Samuel 16:12 ပူးပေါင်းရင်းမြစ်များ

Génesis 39:6

Yë José yë'ë ënety kyëwent'ajtääpy tu'kë'ëyë winë, paaty yë Potifar ka'ap nitii tmëmay tmëtajy, jotkujk je'eyë kyäy y'uuky. Yë José janty'oy ënety kyëxë'ëky ets aak tsojkëyëp ja'ay.

2 Samuel 23:1

Ya'atë ja aaw ayuk ojts tjaakäjpxy ja David: Yë David, myaank yë Jesé, tu'uk ja ye'etyëjk mëti'ipë ojts ja Wintsën mëj yajnaxyën, mëti'ipë ja Wintsën kë'ëm timwin'ijxën ets yajkutukëty; mëti'ipë oyëty ja ëy myä'kxën, ets oyëty ja aaw ayuk ojts tkäjpxy:

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

1 Reyes 1:34

e ko ënety ja teety Sadoc ets ja Natán tkënu'kxtë ets yë'ë yajkutukëty ma ja Israel kajpnën, mtukxu'uxtëp ënätyë ja tsajpkaawaj ets mëk m'ëna'antëty: Wä'än ja yajkutujkpë Salomón jeky tjuuky'äty.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 78:70

Ojts näjyëtu'un twin'ixy yë tyuunpë David, mëti'ipë ënety yë'ë tyuunk'ajtypyën yë kupixyny këwent'ajtk.

Éxodo 2:2

ojts ja to'oxytyëjk wyi'imy u'unk mëët ets tyajmiiny tu'uk yë u'unk maay ye'etyëjkpë. Ko ja to'oxytyëjk t'ijxy ko ja y'u'unk myääy janty'oy janty tsuj ets janty'oy janty mëk, ënät tyu'tsy tëkëëk po'o.

Cantares 5:10

Yë ye'etyëjk, mëti'ipës ntsojkpyën umy yë'ë, tä yë tsajpmoktë'ëtsën, pojën yaj'ixkäpy ma yë myëtsajpmokën.

Lamentaciones 4:7

Poop ijty yë jyä'äyëty yaj'ixtë këtiinëm jëtu'un pyoopëty yë tip ets këtiinëm jyëtu'unëty yë tsi'tsknëë; tsapts ijty yaj'ixtë ja jyot nyini'kxëty këtiinëm jëtu'un yë nëë jëyujk y'atääm; janty'oy kyëxë'ëktë, tä oy tsyaajën.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Hechos 7:20

Jää jëmëjt ojts myëxu'unk'aty ja Moisés. Tsojkëp ja Dios ijty ni'ik. Tää ja tyaak tyeety yajyä'kë tëkëëk po'o yu'utsy jam tyëkotmëty.

Hebreos 11:23

Mëët ja mëpëjkën, ko ja Moisés myëxu'unk'ajty, ojts ja tyaak tyeety yu'utsyë tëkëëk po'o; kä'äp tsë'këtyë oy ënety ja yajkutujkpë të tjani'ënä'ämë ets ja mëxu'unktëjk y'o'kta'atëty mëti'ipë ye'etyëjkën.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 17:42

Ko ja filistejë ja'ay tuk'ijxpejty ja David ets t'ijxy ko janty pi'k ëna'knëm, janty tsapts ja wyiin jyëjp ets janty'oy kyëxë'ëky, ka'ap ojts mëj timy pyiky,

1 Samuel 17:55

Ko ja David twinkuwa'këy ja filistejë ja'ay, yë Saúl tëë ënety tyajtëy ja Abner, ja tsiptuunpë Wintsën: Mijts Abner, tuk'ëwa'anëkës, ¿Pën yë David tyeety'äjtyp?

1 Samuel 9:17

Ko ja Samuel t'ijxy ja Saúl, tä ja Wintsën y'ënëmaayë: Xii ja ja'ay mëti'ipë të ntukmëmëtyä'äkyën. Yë'ë jëtu'un y'ënä'ämëp ja naax kajpn.