1 Samuel 16:1 - Biblia Dc en Mixe de Quetzaltepec

¹ Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

Biblia Mixe de Quetzaltepec

¹ Ënät ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

1 Samuel 16:1 ပူးပေါင်းရင်းမြစ်များ

2 Reyes 9:1

Ja käjpxynyajxpë Elisejë, ojts tmëkäjpxy tu'uk ja myëku'uk mëti'ipë jam yajpatëpën ma të ye'eymyuktën ets t'ënëmaay: Näjyëjp'ixët ets mtsoonëty. Tyaa ya'atë on kon ets mnëjkxëty jam Galaad ma Ramot y'itjotmën;

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

1 Samuel 15:35

E ja Samuel ka'ap ojts nijëna'a t'ëk'ijxnë ja Saúl, je'eyë ojts ok tjaaknimony tjaaknituky, mëët ko ënety ja Dios ok tu wyinmaaytyëkatsy ko ojts tpëjktä'äky ja Saúl ets yë'ë y'ënä'ämëty ma ja Israel kajpnën.

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

1 Samuel 16:15

Paaty ja ja'ay y'ënëmaayëtë mëti'ipë ënety jam mëët tyuunmuktën: Ijxtëm mijts xy'ixyën xytyunyën Wintsën, yë ëxëëk poj yë'ë myajkumoon myajkutujkëyëp tyam mëti'ipë yë Wintsën kyejxypyën

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Dios wyintuuy.

Jeremias 6:30

Jä'ä yajtijanëtë poop pujxn mëti'ipë tëë mya'ta'ayën, jä'ä ko mijts Wintsën tëë xy'ixpëky xy'ixtuny.

2 Reyes 9:6

Ënet ja Jehú ënätyë wyä'ätsë'ky ets japtsow ëpëky tyëjkëtyë. Ënet ja Wintsën ja myëtuunpë ojts tyukutäämë'ëkyë ja on ets y'ënëmaayë: Ja Wintsën, mëti'ipë y'ëwtajtëpën ja Israel ja'ayëty, jëtu'un y'ënä'äny: Tyam mijts nkënu'kxy ets m'ënä'äm myajkutukëty maas yë nkajpnën, yë Israel kajpn.

1 Samuel 16:23

E paaty ko ënety yë Saúl tyukminyë yë ëxëëk poj mëti'ipë yë Wintsën kyejxypyën ets tyëkë kuma'ay kutajëpë, David ënätyë ijty ja kyow tkëëyi'iky ets tyëkë koowpë. Ko ja Saúl ijty jëtu'un tmëtoy, tääts jatëkok jyotkujkë ets y'ëxmatsyë ja ëxëëk poj.

Jeremias 7:16

Mijts, Jeremías, këtii xykyukajpxta'akëty ya'atë naax kajpn, këtiis xymyënu'kxta'akëty mëët ya'atë naax kajpn. Këtii nëkoo mnäjyotmaytyunyë jä'ä ko ka'apës nmëtoow'ita'any wi'ix m'ëna'anyën.

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

2 Reyes 9:3

ënät xytyukkutämëty ya'atë on ets xy'ënëëmëty: Jëtu'un yë Wintsën y'ënä'äny: Tyam mijts nkënu'kxy ets myajkutukëty ma ja Israel kajpnën. Ënätyë jap mpëtsëmëty ma ja tëjkën ets mkä'äkëty, këtii nimaa mwa'ak'oyëty.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Dios ets ja Dios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Dios yajtuknija'amyätsëty.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 11:14

E paaty mijts Jeremías n'ënëëmë, ka'ap tääpë kajpn xykyukajpxta'akëty ets këtiis nëkoo ëjts xymyëkajpxëty, tääpë kajpn ka'apës mputëkëja'any ko ënety ëyo'on jotmay tmëët'atë.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

1 Crónicas 11:3

Jëtu'un'äämpy ojts tëkokyë ja mëjja'aytyëjk ets kopktëjkëty jampë yajpaatën Israel nyëjkxta'atë jam Hebrón ets mëët ja David myëtyaktë, ja David ojts ja käjpxytyu'unën tuny mëët yë'ëjëty ets yë'ë ja Wintsën ojts tukajpxpety ets yë'ë wyë'ëmëty ijxpë nija'apë. Ënet ojts tkënu'kxtë ja David ets yë'ë yajkutukëty, jëtu'un tä ënety ja Dios të tukwinwanën ja Samuel.

1 Crónicas 28:4

E yë Wintsën Dios tëëjës xywyin'ixy mëëtës yë n'u'unk nto'oxytyëjk ets mëëtës yë n'u'unk n'ëna'k ets n'itëtyës wintsën ma Israel kajpnën xëmëkyëjxm.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.