1 Samuel 15:20 - Biblia Dc en Mixe de Quetzaltepec

²⁰ Ënet ja Saúl y'ëtsooy: Ëjts tëëjës yam ntuny mëti'ipës yë Wintsën të xytyuk'ëne'emyën, tëëjës ntsumy nmatsy yë Agag jampë y'ëne'emyën ma Amalec kajpnën ets tëë tëkokyë nyaj'o'kta'ayës yë Amalec ja'ayëty.

Biblia Mixe de Quetzaltepec

²⁰ Ënät ja Saúl y'ëtsooy: Ëjts tëëjës yam ntuny mëti'ipës yë Wintsën të xytyuk'ëne'emyën, tëëjës ntsumy nmatsy yë Agag jampë y'ëne'emyën ma Amalec kajpnën ets tëë tëkokyë nyaj'o'kta'ayës yë Amalec ja'ayëty.

1 Samuel 15:20 ပူးပေါင်းရင်းမြစ်များ

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënety yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Mateo 19:20

Ënet ja yä'äy ëna'k y'ëtsooy: Tëës tu'kë'ëyë npatuunta'ay. ¿Tiijës njaaktunëp?

Job 40:8

¿Mnikäjpxyp ko ëjts pokymyëëtës ets ka'apës tii oy nipaye'ey ets ko mijts mwa'atsëtyë?

Job 34:5

Yë Job jëtu'un y'ënä'äny: Ëjts ka'apës tii poky nmëëtëty, yë Dios ka'apës npoky xypyaye'eyë.

Job 33:9

Ëjts wa'atsës, ka'apës tii poky nmëëtëty, ka'apës maa ntëkoy ets ka'apës maa npokytyuny.

1 Samuel 15:8

Ojts tmatsy ja Agag mëti'ipë ënety jam ënä'ämpën ets ojts tyaj'o'kta'ay ja Agag ja tsyiptuunpëtëjk.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 28:18

Jä'äkyëjxm ko mijts ka'ap të xypyatuny ijxtëm ja Dios të mja'ëne'emyën, ni të xykyayajkutëkoy ja Ismael ja'ayëty, tä ojts mjayaj'ënëëmën. Paatykyëjxm yë Dios tyam ka'ap m'ëtsoyë.