1 Samuel 14:6 - Biblia Dc en Mixe de Quetzaltepec

⁶ Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

Biblia Mixe de Quetzaltepec

⁶ Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 14:6 ပူးပေါင်းရင်းမြစ်များ

Mateo 19:26

Tääts ja Jesús wyintë'kxëtë ets y'ënëmaayëtë: Yë ja'ay wä'än jëtää ka'ap myäyëtëty, yë Dios tii kamaayëp.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

2 Crónicas 14:11

Asá ojts ënätyë Wyintsën tmëkäjpxy mëti'ipë Tyios'ajtypyën ets t'ënëmaay: Mijts tu'knax ja'ay xypyutëkë oypyënëty, wä'än yë'ëjëty mëti'ipë ëmaay amutskën ets wä'än yë'ëjëty mëti'ipë amëk jotmëkën. Paaty yam mijts npëjktsoy etsës xypyutëkëtëty, ma mijts yë mxëëwën jamës mpëjkta'aktë ja njot nwinma'anyëty ets jëtu'un yam ya'atë nmëtsip ëëts nwinkuwa'akëja'antë. Mijts Wintsën, mëti'ipës nTios'ajtëpën, ka'ap mëpaat pën mjënaxyë.

Jeremias 9:26

ijxtëm yë Egiptë ja'ayëtyën, Judá ja'ayëtyën, Edom ja'ayëtyën, Amón ja'ayëtyën, Moab ja'ayëtyën ets tëkokyë naax kajpn mëti'ipë yajpatëpën jam të'ëts'itjotm ets mëti'ipë näy'awaay jyäjpëtëpën. Jä'ä ko tu'kë'ëyë ja naax kajpn aak ka'ap ja ye'etyëjkajtën nyatsujk'ëwtity'atë, ni'ik yë Israel kajpn jä'ä ko jap ka'ap y'oy'atë ma jyot wyinma'anyëtyën.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënety të njayajpoky jëtu'un tääjës tyam nmëtoyën.

Sofonías 2:3

Yë'ë Wintsën ixta'atë, miitsëty ninu'un yu'unk naxym mjuuky'atën ets ninu'un xymyëmëtowtën yë y'ënä'ämën kyutujkën. Tëyajtën winë xytyuntëty ets yu'unk naxym, wä'änxyëp yë tsoktakn xypyaatëty ko ënety ja Wintsën jyoot'anpëky.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

Jueces 15:18

E yë Sansón yajxon ënety tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

1 Samuel 14:5

E yë filistejë ja'ayëty jä'ä ënety të nyäyyajwa'kxëtë mäjtskpëky: Tu'kpëky anëkëjxmtsow ma txëëwatyën Micmás ets tu'kpëky ëpa'tkë'ëmtsow ma mëët yë Guibeá nyäwyinku'ixëtyën.

1 Samuel 14:7

Tääts y'ëtsooy ja tyuunpë: Tun tii mmääpy mtäjpyën, ëjts tyaajës nyajpaaty ets nputëkëja'any.

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Dios yajpaaty ma Israel ja'ayëtyën.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënety näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

Salmos 135:6

Yë Wintsën tyuuntääpy tëkokyë tii tyimtuknipëjktakëp. Jëtu'un ijxtëm winë tunyën tsajpjotm näjyëtu'un yaa naaxkëjxy winë tuny; jëtu'un ijxtëm nëëwiinkëjxy winë tunyën; näjyëtu'un jap nëëpa'tkë'p winë tuny.

Jeremias 9:25

Jëtu'un yë Wintsën y'ënä'äny: Pyätyp ja xëëw jëmëjt maas ja naax kajpn ntëytyuna'anyën mëti'ipë ja ye'etyëjkajtën të tnatsujk'ëwtitën ets ja nyi'ak të tyajjënaktë,

Josue 14:12

Paaty yam mijts n'ënëëmë, etsës xymyo'ojëty ja kopkjot mëti'ipës ja Wintsën ojts xytyukwinwanën. Mijts mnija'ap wa'ats ko yë'ë jam tsënaaytyëp yë Anac pajkyeny yë y'u'unk y'ok ets nyaax kyajpnëty ta'tspëky nyapotsy'atë. Yë Wintsën yë'ëtsës xypyutëkëp etsës jam ntëkëty, etsës n'ëxwojpta'ajëty yë ja'ay jampë tsyëënëtën, jëtu'un tä yë'ë të y'ëne'emyën.

2 Crónicas 14:10

Ënet ja Asá mëët ja jyä'äy tsyo'ontë tsiptuunpë, jam nyäpyëjktakëtë joyjotm ma txëëwatyën Sefata, winkon ma ja Maresá.