1 Samuel 14:47 - Biblia Dc en Mixe de Quetzaltepec

⁴⁷ Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.

Biblia Mixe de Quetzaltepec

⁴⁷ Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.

1 Samuel 14:47 ပူးပေါင်းရင်းမြစ်များ

Génesis 19:37

Ja mëjpë ja nyëëx ojts tu'uk ja y'u'unk tyajmëxu'unk'aty mëti'ipë xyëëwmooyën Moab, mëti'ipë ojts ja y'u'unk y'ëna'k yajtijtën Moab ja'ayëty.

Génesis 19:38

E ja mutskpë ja nyëëx ojts näjyëtu'un tyajja'ty ja y'u'unk myääy mëti'ipë tyijën Benami. Yë'ë jëtu'un ojts ja y'u'unk y'ëna'k txëëwatë Amón ja'ayëty.

Génesis 36:1

Ya'atë y'u'unk'ajt y'ëna'k'ajt yë Esaú, mëti'ipë näjyëtu'un yajtijpën Edom.

Génesis 36:19

Tu'kë'ëyë yë'ëjëty yë tyeety'ajt y'ap'ajtë yë Esaú, mëti'ipë näjyëtu'un yajtijpën Edom. Yë'ë jëtu'un ojts y'ënä'ämtë ma ja nyaax kyajpnëtyën ets ma jyiiky myëku'ukëtyën.

Génesis 36:8

Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

2 Samuel 1:22

Yë Saúl ets Jonatán ko ijty tsyoontë, ets nyëjkxtë muum tsiptuunpë, nijëna'a yë kyu'umën jëtu'unyë tkamëwinpitë, koonëm ijty ja myëtsip tyaj'ooktë mëti'ipë ja näjya'awëtëpën jotmëkëty.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

2 Samuel 8:3

David ka'ap ojts tyajmëtä'äky näjyëtu'un ja Hadad-ézer, yë myaank yë Rehob, jampë y'ëne'emyën Sobá, mëti'ipë ënety jatëkok jyä'äpëkäämpyën ja itjot jam Éufrates.

1 Reyes 11:23

Ojts näjyëtu'un yë Wintsën tyajkutuky ets Rezón tnipëtë'ëkëty yë Salomón, yë'ë Rezón xyëëwajtyp, Eliadá myaank, jam ënety të kye'eky ma wyintsënën, yë Hadad-ézer, jampë yajkutukyën Sobá.

2 Reyes 14:27

Ënet tputëjkëy ets tmooy ja jotkujk'ajtën, ko nyitsiptuunëtë yë Jeroboam, myaank yë Joás, jä'ä ko yë'ë ka'anëm ënety tuknipëjktaakënëm tjo'otsa'any ja Israel kajpn.

1 Samuel 12:2

Tyaa jëtu'un ja yajkutujkpë mpëjktä'äkyës mëti'ipë ënä'ämaanpën ma miitsëtyën ets mëti'ipë mtu'uwinye'eyëtëpën. Ëjts tëëjës nmëjja'ayënë ets tëëjës nkupo'ojënyë. Yi'iyës yë n'ëna'k jaakyajpatëp ma miitsëtyën. Ëjts tëëjës miits oy ntu'uwinye'eytyë, tyimtso'ontäky jëtu'un maas n'ëna'k'ajtyën ets tyampaat maas tëë nmëj ja'ayënën.

1 Samuel 13:1

Ko yë Saúl ojts tyuuntso'ontä'äky jam ma Israel kajpnën mëj ëna'k ënätynyë, tëë ënety ëka'any tyuny ma yajkutujkpë'atyën,

1 Samuel 14:46

Ja Saúl ka'ap ojts t'ëknitso'onë ja filistejë ja'ayëty. Ojts wyimpijtaaynyëtë ma ja nyaax kyajpnëtyën.

1 Samuel 14:52

Mëjjëty këjääjëty ojts yë tsip tyunyë mëët yë filistejë ja'ayëty, mapaat jyuuky'äjtyën yë Saúl; paatykyëjxm yë Saúl aakyë'ë ojts twin'ijxy yë ja'ay mëti'ipë mëkëtyën ets jotmëkëtyën.

1 Samuel 21:7

E jä'ä xëëw tam'ajtp ënety tu'uk ja Saúl ja tsyiptuunpë wintsën mëti'ipë ënety jam të wyi'imyën ma ja tsajptëjkën, Edom ja'ay jä'ä, jä'ä xyëëwajtyp Doeg, yë'ë nyiwintsën'ajtyp ja ja'ayëty mëti'ipë kyëwent'ajtëpën ja Saúl ja jyëyujk tsyajpkaa.