1 Samuel 14:15 - Biblia Dc en Mixe de Quetzaltepec

¹⁵ Tëkokyë ja filistejë ja'ayëty mëti'ipë ënety jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.

Biblia Mixe de Quetzaltepec

¹⁵ Tëkokyë ja filistejë ja'ayëty mëti'ipë ënäty jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.

1 Samuel 14:15 ပူးပေါင်းရင်းမြစ်များ

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënety winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

2 Samuel 5:24

Ko xymyëtowëty yë ja'ay myiny ets aaykyëta'ak tyaj'ëna'any, jää mpëtë'ëkëty ets xytyukja'tëty yë filistejë ja'ayëty; ëjts nija'awënës ënety jëtu'un nyäjkpy ko jëyëjpës nnëjkxy ma mijtsën ets filistejë ja'ayëty ëxëëk jyatëty kyëpätëty.

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

Salmos 14:5

Tsë'ëkëjantëp yë'ëjëty, jä'ä ko yë Dios yë'ë mëët yajpaaty mëti'ipë mëmëtoowëpën.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Daniel 5:6

ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Mateo 24:6

Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënety tpaaty ets ja naaxwiinyëtë kyukëxëty.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Jueces 7:21

E ja Israel ja'ayëty jëtu'unyë ojts wyë'ëmta'atë ma ënety jam ya'axtën jyoktën, jam pë'am ma ja myëtsip yajpaatën, tyamts ja Madián ja'ayëty tsë'ëkë tsë'ëkë jyänty pyëtsëmtë ma ja wyitëjkëtyën ets kyäktaaytyë,

1 Samuel 13:17

Oy ënety tëkëëkpëky të jyatsoontë ja tsiptuunpë filistejë ja'ayëty. Tu'kpëky ojts jam nyëjkxtë Ofrá ma ja itjot txëëwatyën Sual,

1 Samuel 13:18

tu'kpëky ojts nyëjkxtë jam Bet-Orón ets tu'kpëky jam tunkëjxm ma txëëwatyën Seboím jam të'ëts'itjotm.

1 Samuel 13:23

Tyamts ja filistejë ja'ayëty kä'pxy yajxon yajpaatë. Ënet ja filistejë ja'ayëty tu'kpëky jam tsyo'ontë ets nyëjkxtë jam Micmás.

1 Samuel 14:14

Ma ja Jonatán mëët yë tyuunpë tnipëtë'kyën ja filistejë ja'ayëty, jä'ä ojts tyaj'ooktë ja myëtsipëty, i'px.

1 Samuel 14:16

Ko jëtu'un t'ijxtë yë Saúl yë kyëwent'ajtpë jampë ënety yajpaatën Guibeá ma Benjamín tnitänën. Ko yë filistejë ja'ayëty jëtu'un y'ëknäynyipëyë'k y'ëknäkyupëyë'kënëtë xii yaa.

1 Samuel 7:10

Tam ënety yë Samuel tyäky ja wintsë'kën nino'okpyë, ko yë filistejë ja'ayëty jam tyukja'ajtëtë. E yë Wintsën ojts tu'uk yë mëk'ënääw tkukäjxnaxy ma filistejë ja'ayëtyën, yë'ëts ojts y'ëtsë'këtya'ajëtë. Jëtu'un'äämpy ojts yë Israel ja'ayëty yë'ë myëta'aktë.