1 Samuel 14:13 - Biblia Dc en Mixe de Quetzaltepec

¹³ Yë Jonatán matsyë jaaxyë ojts jam pya'tëkë kopkkëjxm mëët ja tyuunpë. Jënu'un ja Jonatán ja myëtsip tkutijnaxyën, ja tyuunpë jä'ä yaj'o'kpy.

Biblia Mixe de Quetzaltepec

¹³ Yë Jonatán matsyë jaaxyë ojts jam pya'tëkë kopkkëjxm mëët ja tyuunpë. Jënu'un ja Jonatán ja myëtsip tkutijnaxyën, ja tyuunpë jä'ä yaj'o'kpy.

1 Samuel 14:13 ပူးပေါင်းရင်းမြစ်များ

Salmos 18:29

Mëët mijts yë mputëjkën jyëkyäpëp nwinkuwa'akëtyës yë nmëtsip ets jotkujk naxëtyës ma ja potsyën mëti'ipë yë kyajpn nyapots'ajtypyën.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Deuteronomio 28:7

Yë'ë nëjkx myajmëtä'äkyë, ko ënety ja mmëtsip mëët mnäpyäätyë, ëkë ko ënety ëxëëk mjatuna'anëtë. Yë'ëjëty nëjkx janty nimay jyatsoontë ets waatswitsy jyamintëty, tääts nyätyijyë myajkutëkoya'anëtë, ko ënety miitsëty mnäkyuwa'anëtë, yë'ëjëty jëtu'unyë nëjkx kyäkta'atë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Hebreos 11:34

ko të tyajpi'itstë ja mëj jëën, ko të kyä'äktë ma yajpuxa'an yajpoota'antë, ko të jyotmëkpëktë oy ënety tsyë'ëkëtë ets ko të tmëmëta'aktë ja myëtsip mëti'ipë wiink it tso'ontëpën.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.

1 Samuel 14:12

Tääts ja Jonatán mëët ja tyuunpë yajyaxëtyë: Yam ku'të, tyam tu'uk yë ayuk nmo'oja'antë. Tä ja Jonatán t'ënëmaay ja tyuunpë: Pamiinkës jä'ä ko yë Wintsën tëë kyë'ëyakëtë ma Israel ja'ayëtyën.

1 Samuel 14:14

Ma ja Jonatán mëët yë tyuunpë tnipëtë'kyën ja filistejë ja'ayëty, jä'ä ojts tyaj'ooktë ja myëtsipëty, i'px.