1 Samuel 13:13 - Biblia Dc en Mixe de Quetzaltepec

¹³ Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

Biblia Mixe de Quetzaltepec

¹³ Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

1 Samuel 13:13 ပူးပေါင်းရင်းမြစ်များ

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Dios wyintuuy.

1 Reyes 21:20

Tä ja Ahab t'ëtsooy ja Elías: ¿Tyamës nijawë ko mijts, nmëtsiptëmës jëtu'un të xypyääty? Jëtu'un, tëë yam npaaty, jëtu'un y'ëtsooy ja Elías. Jä'ä ko mijts nitii oy xykyatuny, aakyë'ë mtuumpy ka'apë myëtëyëtyën Wintsën wyintum.

1 Reyes 18:18

Ëjts ka'apës ni pën n'ëxëëk wiinkajpxë, jëtu'un t'ëtsooy yë Elías; mijtsën tëy, mëët yë mja'ay, mëët ko ja Wintsën ja y'ënä'ämën tyiyajtën të xy'ijxmajtsnëtë ets jä'ä oy xymyëjja'awënëtë ja ka'apë Wyintsënëtyën tä ja Baal ja y'awinaxën.

Proverbios 19:3

Mëët yë'ë ko ja'ay tsyuujëty, paaty nyë'ëtëkoy tyu'utëkoy; ets ko jëtu'un jyäty, Dios pyoky'ijxyp.

Job 34:18

Pën yë yajkutujkpëtëjk ets wintsëntëjkëty ëxëëk jyä'äy'atë, kopkpëky ko yë Dios tyukumëtowëtëty.

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

1 Samuel 1:22

Ja Aná ka'ap ojts nyijkxy, je'eyë ja nyiye'etyëjk t'ënëmaay: Ka'apës nëjkxa'any koonëm ja u'unk maay ja tyi'tsk t'ëxmatsëty. Täänëmës nmënëjkxa'any, etsës ja Wintsën yë'ë ntukë'ëtëkëja'any, jamts wyë'ëmnëty.

1 Samuel 13:12

ënätës të nmay të ntajy ko ntij yaa Guilgal xy'ëknikëta'akanëtës ets ka'anëm nätyukë'ëtëkëtyës ja Wintsën. E jëtu'un'äämpts kë'ëm ya'atë tsajpkaa të nyaj'ookyës etsës ja wintsë'kën të nyäky.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

2 Samuel 24:10

Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënety tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

1 Crónicas 10:13

Jëtu'un ojts ja Saúl y'ooky tyëkoy, mëët ko ënety ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

Isaías 39:5

Tä ja Jeséas t'ënëmaay ja Ezequías: Mëtoow'it ya'atë aaw ayuk mëti'ipë yë Wintsën kyäjpxypën, mëti'ipë maaytyääyëpën winë:

Jeremias 18:10

Ko tääpë naax kajpn ka'ap kyäjpxyjyä'äkyukëty, je'eyë tnakumëtoownaxy ijxtëmës n'ënëëmën, ëjts njëpëkäämpyës ja oyajtën mëti'ipës yë'ëjëty të njatuknipëjktaakëtën.

Génesis 31:28

Ni yë'ëjës wäänë yë nnëëx etsës yë n'ok'u'unk n'ok'ëna'k të xykyatuk'ixy etsës jeexyë të ntsu'kxy, täänëm jeexyë akujk jotkujk të näy'ëxmajtsënë. Jëtu'un mijts të m'ëtëtsnë tä tsuuja'ayën.

1 Samuel 26:21

Tä ja Saúl y'ënäny: U'unk maay David, tyamës ok näjya'awëy'ityë ko pokyës ntuunpy. Jëtu'unës ëjts n'ëtë'ëtsy tä ja'ay winma'anytyukpën, ka'apës tii oy ntuny. E tyamtsës npëjktsoy ets mwinpitëty. Ëjts ka'apës yam mijts n'ëk'ixjëtitan n'ëkpajëtitanë, jä'ä ko tëëjës yë njuukyajtën xynyimä'kxë.

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.