1 Samuel 12:23 - Biblia Dc en Mixe de Quetzaltepec

²³ E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Biblia Mixe de Quetzaltepec

²³ E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

1 Samuel 12:23 ပူးပေါင်းရင်းမြစ်များ

1 Reyes 8:36

mëtowëp jam tsajpjotm ets mpokymyä'kxëp ja mnaax mkajpn ets mtukni''ixëp ja në'ë tu'u oypyë. Mkäxëp ja nëë tuu naaxwiiny ma ja mnaax mkajpn të xytyukkumayën.

2 Crónicas 6:27

tun mëyajtën mëtoow'itëp ja jyiiytyak nyu'kxtakënëty ets mä'kxëp ja nyëë pyokyëty, ma ënety të tyëkoytyën ja mtuunpë ets ja mnaax mkajpn ets xytyukni''ixëty mëti'ipë tu'u mëpaat tye'eytyën. E jëtu'unts xykyäxëty ënät ja mtuu ma ja mnaax mkajpnën mëti'ipë ja m'u'unk m'ëna'k të xytyukkumayën.

Salmos 122:6

Amuumtu'ukjot nikajpxtë: Wä'än tjam'aty ja jotkujk'ajtën Jerusalén; ets wä'än tjuuky'atë jotkujk mëti'ipë mtsojkëyëp mja'awëpën.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

Salmos 34:12

¿Mjuuky'ataanp jekyë? ¿Mtukxoonta'akäämpy yë juukyajtënë?

Éxodo 32:30

Ënet komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Dios jam yajpaatyën etsës nnijawëja'any pën n'ëkyajjotujkpyës yë Dios ets jeexyë myajpokmyä'kxtë.

Proverbios 4:11

Ëjts mijts nyajnëjkxëp ma ja wijy'ajt kujk'ajtën, ets nyajye'eyä'äny nyajnaxa'any ma oypyë ja në'ë aaw tu'u aawën,

Eclesiastés 12:10

Jä'ä y'ixtaaytyääpy ja aaw ayuk mëti'ipë oy yajmëtowëpën ets tjaay ja winma'any mëti'ipë mëtëyën.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 27:18

Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Jeremias 42:4

Tä ja Jeremías y'ëtsoowëtë: Oy'atëp. Tyamës yë mWintsën nmënu'kxta'akëty mëti'ipë mTiosajtëpën mëët miitskyëjxmëty, jëtu'un tääjës xypyëjktsowtën, ok ënät ntuk'ëwaanëtëty wi'ix y'ëtsoyën, ni tu'ukës ja ayuk nkayajninaxa'any.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Hechos 12:5

Jëtu'unts ja Pedro ojts jeky tsumy y'ity, ijx'ity këwent'aty, je'eyëp ko ja mëpëjkpëtëjk amëk jotmëk ja Dios tyuknija'amyätsëtë.

Hechos 20:20

E xëmë miits të ntuk'ëwaanëtë winjëën wintëjk ets ma ja mayjyä'äyën mëti'ipë mtuk'oy'attëpën, ko të nyaj'ijxpëktë.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Colosenses 1:9

Paaty, koos ojts nijawëtë, xëmë ja Dios miits ntuknija'amyätsëtë, n'amëtowtës ja Dios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.

1 Tesalonicenses 3:10

Xëënaxy tsuunaxyës ja Dios n'amëtowtë ets miits nëjkx nku'ixëtë ets kë'ëm ntimpyaatëty ets ntuk'ëwaanëtëty mmëpëjkën myëjwiin kyëjääjëtëty.

2 Timoteo 1:3

Xëëny kootsës yë Dios nmëkäjpxy ko mijts nja'amyetsy, etsës nkukajpxë ja Dios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,